注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·6 孔子也反“天才论”(栋笃论语·子罕第九)  

2008-08-19 00:41:19|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文太宰问于子贡曰:“夫子圣者与?何其多能也!”子贡曰:“固天纵之将圣,又多能也。”子闻之,曰:“太宰知我乎?吾少也贱,故多能鄙事。君子多乎哉?不多也。”牢曰:“子云:‘吾不试,故艺。’”

  【译文】太宰,官名,六卿之一,总管王家内外事务。呢位太宰唔知系边一国嘅。子贡、牢,都系孔子嘅学生。
  太宰问阿子贡:“你老师系一位圣人嘞啩?点解咁多才多艺啊?”子贡话:“本来就系个天要佢做圣人嘎,又令到佢咁多才多艺。”孔子听到,就话:“太宰识我咩?我自细贫贱,所以掌握咗好多谋生嘅技艺。做一个君子需要咁多嘅才艺咩?唔需要嘎。”学生子牢话:“老师以前讲过:‘我未畀国家任用,所以就多才多艺喇。’”

  【栋笃】喺近代影响比较大嘅西哲之中,康德系一个出咗名嘅“天才论”者,佢讲过:“天才就是那天赋的才能。”呢个理论,早喺两千几年前,孔Sir嘅学生子贡,就用嚟赞佢老师:“固天纵之将圣,又多能也。”用特定历史时期嘅话嚟讲,就系:“东方红,太阳起,中国出了个孔仲尼。”噉样嘅话,已经唔系一般嘅擦鞋,而系“天才”嘅擦鞋。不过子贡噉讲,其实都可以理解嘅,你睇而家,边个研究生够胆唔公开擦教授嘅鞋啊(私底下就难讲喇)!
  值得注意嘅系,孔Sir本人对“天才论”嘅态度。佢听到子贡同埋太宰嘅对话,就话:“太宰知我咩?我自细贫贱,所以就掌握多啲谋生技艺喇。”咩意思?就系反“天才论”喇。即系话,佢嘅“多能”,唔系天生嘅,系生活所迫,佢先至要去学习咁多才艺。如果佢自细生活尊贵,系唔使掌握咁多才艺嘎。历史记载,孔Sir年轻嘅时候,虽然心比天高(十五而志于学),但系命比纸薄,做过“委吏”、“乘田”(即系管仓库、放牛羊)等“鄙事”,学识咗计数、出纳、观察天气等等(系咪似极咗孙悟空做弼马温、管蟠桃园?佢都系“齐天大圣”嚟嘎)。奇怪嘅系,孔Sir喺批“天才论”嘅时候,矛头所指系“太宰”,而唔系子贡。“太宰知我乎?”重使问咩?太宰就系因为唔知,先会问“夫子圣者与?何其多能也”啊!“固天纵之将圣”系子贡讲嘅!极有可能嘅系,太宰子贡问答啲话,系子贡转述畀孔Sir嘎。子贡嘅转述,将自己讲孔Sir系天才嘅说话,讲成系太宰讲嘎,孔Sir先至会噉回应。
  学生子牢嘅补充,证实咗孔Sir不止一次喺学生面前“痛说革命家史”:“吾不试,故艺。”后生嗰阵,国家冇用我,我先至学识咗咁多才艺。听多几次,就可以听得出,孔Sir既唔系自夸,亦唔系自谦,而系自怨自艾。
  谂起许冠杰嘅歌词:
边个系天才?边个系白痴?扮懵定蠢材?有咁易会知——阿茂至知 大笑 

  评论这张
 
阅读(179)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017