注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·5 出师未捷心不死(栋笃论语·子罕第九)  

2008-08-18 13:46:19|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子畏于匡,曰:“文王既没,文不在兹乎?天之将丧斯文也,后死者不得与于斯文也;天之未丧斯文也,匡人其如予何?”

  【译文】孔子喺匡地遇到危险,佢就话:“周文王死咗之后,文化唔系重喺我度咩?个天若果要灭咗文化,我就得唔到文化嘅传承;个天如果唔想文化就噉灭绝,匡人吹得我胀啊!”

  【栋笃】嗱,我深度怀疑,《论语》嘅编撰者曾子或者佢嘅学生,系特登要孔Sir丢架。唔系嘅话,点解会喺孔sir关于戒除自大嘅“四不”声明之后,跟住就排咗呢一句咁自大嘅说话?
  作为一个“文化传销者”,孔Sir周游列国十几年,唔单止一无所获,重撞到几次危险。喺卫国嘅匡地呢一次,真系好牙烟。讲起身,呢次孔Sir确实系好唔好彩——因为个样衰,生得好似阳虎(鲁国季氏家臣)——呢个衰人曾经喺匡地度杀人放火,匡人见到孔Sir,以为阳虎又嚟到,即刻集齐人马,要杀咗佢报仇。后尾好彩有卫国一位大臣证明佢系孔丘唔系阳虎,匡人先放过孔Sir师徒几个。
  当时孔Sir同埋子路、子贡等学生畀匡人困喺客栈几日,绝望嘅时候,孔Sir就同啲学生噉讲:“周文王死咗之后,系我担当起传承文化嘅重任。如果个天唔想文化灭绝,就唔会畀我死,噉匡人又吹得我胀啊!”嗱,就算孔Sir讲嘅“斯文”,唔系指“文化”嘅全部,而系讲礼乐嗰啲由周文王、周公旦传落嚟嘅嘢,就算呢啲嘢冚棒唥真系孔Sir“一脉单传”,佢噉讲,系咪“自大咗一点”呢?唔怪得后世嗰啲擦鞋仔,会讲出“天不生仲尼,万古如长夜”噉肉酸嘅说话喇。
  春秋时期,系中国历史上文化最繁荣嘅时期,道家、墨家、法家、儒家等等“百家争鸣”,真真就系嗰时嘅真实写照。孔Sir想“一家独大”,发梦啫。不过,佢呢个梦,到咗汉武帝时间,就变成咗现实——因为汉武帝发现,儒家思想系最适合专制统治嘎,“罢黜百家,独尊儒术”一纸令下,儒术同权术绑埋一齐,政治文化,都进入咗最专制嘅时代,孔Sir亦跟住水涨船高,成为“万世师表”、“至圣先师”。所以,中国嘅思想唔自由,儒家系难辞其咎嘎。
  当然喇,讲返转头,孔Sir当时讲出呢番说话,有可能只系为佢自己同埋啲学生打气、激励:“放心喇,个天会保佑我,我冇咁易死嘎!”不过,讲者无心,听者有意,孔Sir终其一生,都系希望儒家可以“一家独大”,呢一点系唔会错嘎。
  好彩,历史已经证明咗,任何一种思想,想一家独大,都逃唔过最终失败嘅命运。  (插图:老饼

  评论这张
 
阅读(213)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017