注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·1 钱,还是少说点好(栋笃论语·子罕第九)  

2008-08-12 14:30:19|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子罕言利,与命,与仁。

  【译文】孔子好少讲私利,只系赞同“命”、推崇“仁”。

  【栋笃】咪住,讲解之前,我说明下先:呢一句,好多“论语今译”嘅书,都解释为“孔子好少讲利、命同埋仁”。但系,通读过论语嘅人都会知,儒家嘅中心思想就一个字:仁。成部《论语》入边,讲到“仁”嘅说话少讲都有成百句。讲到“命”嘅,亦都唔少,点可能系“罕言”?参考咗近十个版本嘅翻译之后,我拣咗我个人认为合理啲嘅解释,就系:“与”字,唔系“同埋”嘅意思,而系“赞与”、“推崇”噉解。
  好喇,闲话休提,言归正传。开讲有话:细路仔学游水——一味讲浅()。喺呢个“一味讲钱”嘅时代,言利,其实系好正常嘎。特殊年代里边,啲专制政府先至会呃人话,讲钱系罪恶嘎。不过讲到底,噉样整蛊人民,都系为咗佢哋自己嘅既得利益啫——重系得个“利”字。呢排,关注两会嘅人,都知道有一个叫张茵嘅政协委员勇当“炮手”,其实,都系为佢所代表嘅群体“言利”啫。大到一个国家,话之佢系民主国家定系专制国家,处理国际关系嘅时候,都系“只有永远的利益,没有永远的朋友”嘅。
  噉两千几年前,孔Sir点解“罕言利”?重使问咩,因为咩事都“放于利而行”,就会“多怨”(里仁第四);“富贵于我如浮云”吖嘛。佢认为,一味讲“利”,就会失“义”。就好似而家,嗰啲乜乜寺,喺“董事长”式嘅方丈领导下,成日谂嘅系点样呃啲信徒碌卡消费贵到飞起嘅“头炷香”、点样扩大该寺嘅品牌效应,赚更多嘅钱……我谂极都唔明,唔通噉样就系“普渡众生”?
  谂返转头,“子罕言利”——系“罕”,唔使“不”,即系话,少讲啫,唔系一啲都唔讲。佢亦都讲过,“富而可求也,虽执鞭之士,吾也为之”(述而第七);佢收学生,亦都系规定咗学费嘎;佢亦都赞过学生子贡揾钱好叻……之不过,佢尽量少讲“利”,多啲讲命,同埋仁。因为“利”呢味嘢,喺信命嘅人心中,系“命里有时终须有,命里无时莫强求”嘎。孔Sir“五十而知天命”,即系认命喇,名、利,如果命中所无,讲多无谓。不如讲多啲“仁”,自然就会冲淡对“利”嘅谂头喇。
  就好似嗰啲师父,如果花多啲时间诵下佛经,倾下佛偈,就唔会成日谂住要“上市”、“融资”喇,咔咔。  (插图:老饼

  评论这张
 
阅读(211)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017