注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

8·17 焦虑不分古今(栋笃论语·泰伯第八)  

2008-07-30 12:15:21|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“学如不及,犹恐失之。”

  【译文】孔子话:“学习好似赶唔切噉,又惊唔记得咗。”

  【栋笃】我以为“资讯焦虑症”系现代社会先有嘅心理问题,原来早喺两千几年前,春秋时代嘅人,就有呢种“现代病”喇。
  冇错喇,孔Sir讲嘅,就系一种焦虑,学嘢嘅焦虑。学习,不外乎就系“温故而知新”,所以,畀心机学嘢嘅人,最惊就系两件事:一,系学习新知识赶唔上人哋(不及);二,系学过嘅旧知识唔记得咗(失之)。要想“及”,要想“不失”,除咗畀心机,重系畀心机。另一句做过学生嘅人都好熟悉嘅话,系噉讲嘅:“学如逆水行舟,不进则退。”
  过去嘅二十世纪,系人类知识爆炸嘅一百年,新发明、新技术层出不穷。所以,生活喺呢个时代嘅人,“资讯焦虑”嘅症状就越嚟越严重喇。咩,人哋都用紧windows喇,我重系dos操作系统,噉点得啊?睇睇,人哋都“奔四”喇,我重系586,噉点得啊……大到一个国家,都系噉:你睇你睇,人哋都有原子弹喇,我哋就系箍实腰带都要造啊……所谓“赶英超美”嘅口号,冷战时期嘅军备竞赛,其实亦都系一种“武如不及,犹恐失之”嘅国家焦虑表现。
  呢种“爆炸”嘅冲击波,延续到新世纪,就越演越烈。个个都想in,个个都唔想out,人类嘅焦虑,喺竞争压力面前,就跟着水涨船高。于是乎,畀心机做嘢之余,重要畀心机“充电”、“恶补”,搞到成日攰赖赖噉。
  其实,吊颈都要透啖气喇。人生几十年,如果冚棒唥将有限嘅生命,投入到无限嘅学习之中,噉重有咩生趣呢?大家都知“过劳死”好可怕,点不知,“过学死”亦都系好得人惊嘎。有时谂返转头,学习系为咗乜?当然,你可以话,学习,系为咗人类嘅进步——小弟我冇咁崇高。计我话,学习嘅终极目标,系为咗人生嘅充实。但系,充实嘅人生,唔单止要“好好学习,天天向上”,佢重包含住“休闲、叹世界、享受生命”等内容。
  春光无限好。关晒电脑、dum低书本,进行一次身体、思想嘅大解放喇,就算系得半日时间都好,因为“偷得浮生半日闲”吖嘛。

  评论这张
 
阅读(150)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017