注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

8·16 人可以狂,不可以弯(栋笃论语·泰伯第八)  

2008-07-29 21:39:21|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“狂而不直,侗而不愿,悾悾而不信,吾不知之矣。”

  【译文】孔子话:“招积又唔够爽直,无知又唔肯老实,无能又唔讲信用,噉嘅人,我实在唔知点算好。”

  【栋笃】潮州话入边,而今重保留住“悾侗”呢个词,形容啲细路无知又唔生性。睇嚟,广东嘅唔少方言,真系为古汉语保留咗唔少宝贵嘅语词,等啲有心人去认识、发掘。
  闲话休提,孔Sir今次又闹人喇。闹啲咩人?就系嗰啲好招积又唔够爽直,脑笋都未生埋又唔老实,傻更更又冇诚信嘅人。呢种人,孔Sir嘅“点一点”就系:“吾不知之矣。”我唔知点话佢哋喇,讲都唔想讲,深恶痛绝嘅意思。
  本来,一个好招积嘅人,一般都系好爽直,有乜讲乜嘅人;年幼无知嘅人,就应该老老实实,听下人哋点讲,睇下人哋点做,好好学习下至啱;而傻更更嘅人,一般都系说一不二,最讲诚信嘅人。如果反过嚟,一个人,招积又狡猾,或者幼稚、无知、无能又自大、冇信用,噉就好得人惊喇。噉嘅人越多,社会就越乱。就算孔Sir,撞到噉嘅人,都知道同佢哋讲咩“仁道”、“礼义”系冇用嘎,因为佢哋根本就唔识听,或者听唔入,点算好啊?
  人可以狂,唔可以曲。金庸笔下,好招积嘅人物,有黄药师、令狐冲等,但系佢哋都“狂而直”,正面人物嚟嘎;“射雕”入边嘅欧阳克,就系“狂而不直”嘅典型,最后冇好下场;而“无知又蛊惑”嘅第一人,梗系韦小宝喇,不过佢系一个例外,因缘巧合,咩好事都畀佢撞到;讲到“无能又冇信用”,第一个就系“倚天屠龙”入边嘅宋青书喇。
  试谂下,你周围,有欧阳克、韦小宝、宋青书噉嘅人,问你惊未?  (插图:老饼

  评论这张
 
阅读(243)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017