注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

8·13 国家无道,富贵即耻辱(栋笃论语·泰伯第八)  

2008-07-26 00:42:21|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“笃信好学,守死善道。危邦不入,乱邦不居。天下有道则见,无道则隐。邦有道,贫且贱焉,耻也;邦无道,富且贵焉,耻也。”

  【译文】孔子话:“信仰坚定,钟意学习,誓死捍卫仁道。危险嘅国家、地方唔好随意入,乱晒龙嘅国家、地方唔可以居住。天下有道,就出嚟做嘢;天下无道,就匿埋起身。国家有道,你贫贱嘅话,就系一种耻辱;国家无道,你富贵嘅话,亦都系一种耻辱。”

  【栋笃】道道道,孔Sir度度讲道道——呢个“道道”,究竟系乜嘢“东东”嚟嘎?
  重使问咩,梗系仁道喇。对仁道呢味嘢,要坚信、好学、誓死捍卫——听起身,似晒我哋细细个就背到滚瓜烂熟嘅“砍头不要紧,只要主义真”,卒之都系“时刻准备着,为仁道主义事业而奋斗”嘅意思。孔Sir不嬲都系呢种态度,冇咩新意。
  但系,信道、学道、守道为咗乜?梗系为咗“用道”喇。“危邦不入,乱邦不居”,系因为危、乱嘅地方,就系失道嘅地方。仁道喺嗰种地方,唔单止行唔通,重可能被破坏。同样嘅道理,天下有道,就要入世做嘢;天下无道,就要出世匿埋……
  咪住,上边呢段话,系孔Sir嘅真正态度咩?点解佢咁消极嘅?对比“我不入地狱,谁入地狱”嘅佛家态度,孔Sir重有面见人咩?
  因为孔Sir自己嘅行动,同呢两句系完全相反嘅。春秋时期,正系一个“天下无道”嘅时期(礼崩乐坏)。东周列国,唔系“危邦”,就系“乱邦”,就算系喺孔Sir所在嘅鲁国,喺三家大夫嘅弄权之下,都系乱晒龙嘎。但系,孔Sir为咗推行仁道,周游列国十四年,真系“入危邦、居乱邦”,话之佢有道无道,肯听我讲就得喇。虽然冇人睬佢,但系,佢呢种“天下无道”都要“见()”,“明知不可为而为之”嘅态度,正系一种积极入世嘅态度。所以,我深度怀疑,孔Sir呢两句话,系四围撞板之后嘅经验总结,或者系一时愤慨嘅反语嚟嘅。
  讲到最后嗰句,就好有“现实指导意义”喇。邦有道,即系政治清明、机会公平,喺噉样嘅国家入边,懒惰、消极嘅人,先至会“贫且贱”,所以噉样嘅人系好丢架嘎。邦无道,即系政治黑暗、处处垄断,喺噉样嘅国家入边,边啲人可以做到“富且贵”呢?梗系嗰啲独裁者、垄断者、投机者喇。睇下嗰个乜乜富豪榜上边,有几个富豪嘅屎忽系干净嘎,就乜都明晒喇。咔咔。

  评论这张
 
阅读(187)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017