注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·28 与其进,不与其退(栋笃论语·述而第七)  

2008-05-09 00:30:22|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文互乡难与言。童子见,门人惑。子曰:“与其进也,不与其退也,唯何甚?人洁己以进,与其洁也,不保其往也。”

  【译文】互乡嘅人中意包拗颈,好难同人哋沟通。有一个互乡嘅少年求见孔子,孔子接见咗佢,佢嘅学生都唔明佢点解要噉做。孔子就话:“我哋要鼓励人哋嘅进步,唔好鼓励人哋落后,使乜咁过分啫?人哋洁身自好要求进步,我哋要鼓励呢种追求,唔使理佢过去系点嘎。”

  【栋笃】史上最搞笑电影《无极》嘅结尾,谢霆锋扮演嘅嗰位乜乜将军同阿张柏芝讲咗一句经典嘅说话:“你让我失去了一个做好人的机会。”呢部电影话畀我哋知,当一个“坏小孩”决心要改过自新嘅时候,一定要多多鼓励,畀机会佢,千祈唔好单打佢,或者屈佢、呃佢,唔系嘅话,一嚿“叉烧”事小,引出一连串血案,噉就大镬喇,你话系咪 大笑 
  孔Sir,就系一个识得鼓励人嘅人,因为,佢不嬲都系坚持“有教无类”呢个原则嘎。“古惑仔”子路以前骚扰过孔Sir,甚至恐吓过孔Sir,但系,当佢畀孔Sir感化咗,“积极要求进步”、想“向组织靠拢”嘅时候,孔Sir都一样收佢为徒——嗱,咩叫“人洁己以进,与其洁也,不保其往也”,噉就系喇。
  今次,孔Sir接见呢个互乡嚟嘅僆仔,都系本住“与人为善”嘅原则,畀个机会佢。互乡喺边度不得而知,但系肯定喺鲁国境内(有人话喺滕县)。“难与言”,即系“难与言善”,听唔入嗰啲劝善嘅说话,“剽悍的民风不需要解释”。可以想像,喺鲁国呢个“礼仪之邦”,互乡人肯定畀人睇唔起,就好似以前中原睇唔起广东呢个“南蛮之地”噉。喺噉样嘅背景底下,呢个想见孔Sir嘅“童子”就系一个有向善心嘅“异类”。孔Sir见佢,唔单止系畀机会佢,亦都系畀自己一个机会——咩机会?梗系宣扬仁义之道嘅机会喇,呢个僆仔,就系一个可能将互乡变得“易于言”嘅突破口嚟嘎。如果孔Sir同第啲人一样睇佢唔起,唔见佢,噉呢个僆仔亦都好可能“失去了一个做好人的机会”,喺春秋乱世,噉样会引发咩“血案”,系好难讲嘎,话唔定,仲大镬过“馒头”引发嘅血案添。
  所以,于公于私,孔Sir见呢个互乡嘅僆仔,都系一件好有着数嘅事。啲“门人”点解唔明,我就真系唔明喇。

  评论这张
 
阅读(216)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017