注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·26 儒家式伪善(栋笃论语·述而第七)  

2008-05-06 20:36:22|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子钓而不纲,弋不射宿。

  【译文】孔子钓鱼,但唔会用网喺水面拦截捉鱼;孔子用带丝线嘅箭去射雀,但系唔会射飞返窦入面嘅雀。

  【栋笃】好耐以前,李敖写过一篇文章,叫做《“三毛式伪善”和“金庸式伪善”》,入边讲咗两位港台名人唔同嘅“伪善”方式:三毛喺文章中多次讲到,佢系一个基督徒,去非洲系为咗学习史怀哲,要“帮助黄沙中的黑人”。李敖反问:“你说你帮助黄沙中的黑人,你为什么不帮助黑暗中的黄人?你自己的同胞,更需要你的帮助啊!舍近而求远,去亲而就疏,这可有点不对劲吧?并且,史怀哲不会又帮助黑人,又在加那利群岛留下别墅和‘外汇存底’吧?你怎么解释你的财产呢?”金庸同李敖讲,话佢系一个虔诚嘅佛教徒,李敖就话:“佛经里讲‘七法财’、‘七圣财’……大体上,无不以舍弃财产为要件。所谓‘随求经施,无所吝惜’,你有这么多的财产在身边,你说你是虔诚的佛教徒,你怎么解释你的财产呢?”
  李敖有时候系偏激咗啲,但系,用财产问题嚟拷问呢两位基督徒同埋准佛教徒,当事人的确系好难回答。
  孔Sir嘅“钓而不纲,弋不射宿”,涉及嘅唔系财产问题,而系另一个可大可小嘅“杀生”问题。朱熹嘅《论语集注》系噉擦孔Sir鞋嘅:“孔子少贫贱,为养与祭,或不得已而钓弋。然尽物取之,出其不意,亦不为也,此可见仁人之本心矣。”即系话,孔Sir钓鱼、打雀,系“不得已”嘅,但系佢冇赶尽杀绝,噉就“可见仁人之本心”喇。
  本来,我哋唔可以用佛教徒“不杀生”嘅戒律嚟要求孔Sir,佢“钓而不纲,弋不射宿”,讲到尾,都系“量”嘅问题,唔系“质”嘅问题。而且,讲手段,讲道德,“纲”先至系光明正大嘅捕杀,系阳谋;“钓”系利用诱饵进行欺骗,系阴谋,仲阴功,点可能话玩阴谋反而“可见仁人之本心”啊?真正嘅仁,真正嘅善,应该系不钓不纲、不弋不射嘎。你做唔到嘅话,亦唔系咩罪过,但系,好心你唔好咁伪善得唔得?
  讲到呢个问题,我又谂起孟子答齐宣王嘅说话:“君子之于禽兽也,见其生,不忍见其死;闻其声,不忍食其肉。是以君子远庖厨也。”喺呢一点上边,孟子比孔子仲要“仁”啲,但讲到尾,呢啲咪又系伪善啰。呢种伪善,就叫做“儒家式伪善”。好彩,呢一章唔系噉嘎:“子曰:吾钓而不纲,弋不射宿,仁也。”所以,“伪善”呢个罪名,就入埋落孔Sir嘅徒子徒孙笔数身上算喇。

  评论这张
 
阅读(165)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017