注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·24 孔门四科(栋笃论语·述而第七)  

2008-05-04 00:20:22|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子以四教:文、行、忠、信。

  【译文】孔子对学生进行四个方面嘅教育:文化、德行、忠心、诚信。

  【栋笃】嗱,上一堂课,孔Sir对天发誓,话佢教学生咩都冇保留㖞。跟住,就有啲“班干部”总括咗下,孔Sir教我哋,其实有四科嘎,呢四科,就系文化、德行、忠心、诚信嘞。
  如果唔系为咗强调孔Sir嘅“吾无隐乎尔”,我实谂极都唔明,点解会喺课程进行到三分之一嘅时候,忽然间话畀大家知,孔Sir教大家嘅系啲咩科目。有人话,呢啲系因为《论语》嘅编排系“无序”嘎,孔Sir过咗身之后,啲学生谂起啲乜,就记低啲乜,加加埋埋廿零三十条,就手编为一篇,最后集埋一齐,一共系廿篇。所以,啲内容就冇分类,有一啲仲重复咗添。
  如果系噉嘅话,编《论语》嘅曾子等呢一啲“尖子生”,做嘢嘅态度认真嘛嘛哋,噉点对得住诲人不倦嘅孔Sir啊?
  有人又话嘞噃,春秋时期,仲未有咩“教科书”嘅概念,亦冇咩“纲、目”等现代分类学嘅概念,所以《论语》就编成噉样。但系,讲呢句说话嘅人,有冇谂过,孔Sir编嘅《诗经》,就系按照内容好科学噉分成咗“风、雅、颂”三部分嘎?
  话之佢乜都好,呢句本嚟应该摆喺第一篇嘅“教学大纲”,喺度出现真系好奇怪嘅一件事。而更重要嘅一点,系“文、行、忠、信”四个字,点可能包括埋孔Sir教学嘅全部内容?唔该请问:礼、乐、射、驭、书、数六艺,又属于文、行、忠、信嘅边一科?
  其实连埋上一课“吾无隐乎尔”嘅誓言嚟睇,话之孔Sir“教边科”定“搞边科”,“子以四教”呢一句说话,只不过系再次声明啫。就好似依家,有学生家长对教育不满,有啲学校领导就会话,我哋对学生进行素质教育,“德、智、体、美、劳”全面发展嘎。其实呢?喺“应试教育”嘅指挥棒下面,除咗可以应试嘅“智”,其他嗰啲,悭得就悭喇,咔咔。

  评论这张
 
阅读(134)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017