注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·21 三人行,必有我师(栋笃论语·述而第七)  

2008-04-21 01:33:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“三人行,必有我师焉。择其善者而从之,其不善者而改之。”

  【译文】孔子话:“三个人一齐行,入边肯定有一个可以做我老师嘎。我会拣佢嘅优点嚟学习,佢身上有咩缺点,都可以攞嚟参考,令到我自己去改正。”

  【栋笃】又系一句《论语》金句㖞。呢句话,大家都好熟,意思亦都简单明了,本来就唔使我再凼气嘞。但系,有啲嘢,又系唔讲唔得噃。(咩?唔讲就冇钱?嗱,你唔好细路仔学游水——一味讲浅(钱)好唔好?传道、授业、解惑,几有意义嘅事,钱钱声,几难听啊!
  一般嘅理解,孔Sir嘅意思系,只要有三个以上嘅人喺路上行,其中就肯定有一个可以做我嘅老师——孔Sir天生就好学,世上嘅人又系各有所长,是但揾个人,佢身上肯定有值得我学习嘅嘢。就算系一个未读过书,成日耕田嘅农民,佢喺睇云识天气、睇日知时间方面,肯定要比我哋呢啲“四体不勤、五谷不分”嘅人识得多嘎。但系,人系优点同埋缺点嘅矛盾综合体,要学习,就要拣啲优点嚟学,对于佢身上嘅缺点,我就攞嚟参考,睇自己有冇同佢一样嘅,有就改正就得喇。
  但系,朱熹嘅解释就有少少唔同喇。佢讲,三人行,其中一个系我自己,噉仲有两个,一个好人,一个坏人。好人嗰个,可以畀我学习,梗系老师喇;坏人嗰个,可以做我块镜,照出我有咩同佢一样嘅地方,即刻改正,亦都系我嘅老师。
  噉讲又啱噃。比如一个妈咪带住个仔去行街,见到街边有一个“中学生”跪喺度乞钱,前面铺住张白纸,写住佢嘅“悲惨遭遇”,妈咪一般都会指住嗰个乞衣同个仔话:“仔啊,你睇睇,你如果唔勤力读书,大个咗就会同佢一样出嚟呃人钱银喇!”可怜嗰个“学生乞衣”,跪一日可以乞到几多钱就唔知,不知不觉之中已经做咗唔少细路嘅老师,仲系白教嘅添,真系唔着数。
  同样嘅道理,当你随地吐痰、冲红灯横过马路、喺公车上边霸住个位唔让畀老人坐嘅时候,请准许我用衷心感谢嘅语气叫你一声:“老师,你好。”

  评论这张
 
阅读(164)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017