注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·19 子非生而知之者(栋笃论语·述而第七)  

2008-04-07 22:13:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“我非生而知之者,好古,敏以求之者也。”

  【译文】孔子话:“我唔系天生就乜都识嘅人,只不过系中意古代文化,好勤奋敏捷噉去求取知识啫。”

  【栋笃】嗱,咩叫“自知之明”,噉就系自知之明喇。我相信孔Sir唔系无端端“作谦虚状”讲出呢句说话嘎,好可能系孔Sir接受楚国喺“楚城电视台”(简称CCTV)“艺术人生”节目采访嘅时候,主持人讲咗一句:“我们都知道,孔先生是一位德艺双馨的天才圣人。”搞到阿孔Sir大汗耷细汗,即刻声明:“唔好意思我唔系咩天才噃,我今日有少少成就,主要系喺上级领导嘅关怀之下,百分之一嘅灵感加埋百分之九十九嘅汗水先至取得嘎。”
  其实,古今中外,又有边个系“生而知之者”呢?我哋听过唔少嘅“天才”、“神童”,又有边个唔系经过学习嘎呢?只不过,早慧嘅人,学嘢比我哋快手啫。孔Sir之所以成为咗“至圣先师”,同佢嘅“十有五而志于学”、“有忠信如丘者焉,不如丘之好学也”系离唔开嘎。
  搞笑嘅系,呢两千几年嚟,一直都有一啲孔门嘅徒子徒孙,好似《天龙八部》入边嘅星宿派弟子噉,狂赞祖师,用尽咗“天才”、“天生圣人”呢啲字眼。朱熹嘅《朱子语类》入边仲记录咗宋朝人写嘅一副对联:“天不生仲尼,万古如长夜。”用今日嘅话嚟讲,就系“没有孔老二,就没有东方红”。中国人嘅擦鞋功夫,简直就系冇得顶啊。
  讲到呢度,我谂起一个擦鞋擦到命都冇咗嘅古仔:朱元璋做皇帝嘅时候,杭州一位教授徐一夔上咗一份贺表,其中有一句系:“光天之下,天生圣人,为世作则。”朱元璋一睇,嬲到飞起,佢认为,“光天”系单打佢做过和尚系光头佬,“为世作则”嘅“则”同“贼”同音,即系单打佢系贼——呢位擦鞋佬嘅命运可想而知,梗系畀“咔嚓”咗喇。
  擦鞋擦到冇命,真系唔抵。不过,中国人呢种擦鞋功夫,到咗“文革”时期就登峰造极,擦到死嘅人,亦都系唔少,真系可叹、可怜、可悲啊。咔咔。  (插图:老饼

  评论这张
 
阅读(295)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017