注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·17 孔子讲国语(栋笃论语·述而第七)  

2008-04-03 00:25:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子所雅言,《诗》、《书》。执礼,皆雅言也。

  【译文】雅言,周王朝嘅官话,以周王朝所在地嘅语音为标准。
  孔子喺平时读《诗经》、《尚书》嘅时候,系用官话嘎。主持礼仪活动,佢亦都用官话。

  【栋笃】估唔到,“国语”同埋“白话”嘅区别,原来喺两千几年前就有喇。孔Sir系鲁人,佢嘅母语应该就系鲁国嘅“白话”喇。孔Sir会唔会好似依家嘅山东人噉,成日“我说伙计啊”我就唔知,但系佢平时讲得最顺口嘅,肯定就系山东话无疑喇。不过,到咗读书、朗诵诗歌、主持礼仪呢一啲比较严肃嘅场合嘅时候,孔Sir就用返“国语”——雅言喇。
  呢种情况,依家都差唔多系噉。自从1956年国务院发布《关于推广普通话的指示》,半个世纪以嚟,国内推广普通话嘅效果系有目共睹嘎。随住香港、澳门嘅回归,港澳地区学习普通话嘅人亦越嚟越多,特首平时讲开白话,到咗唱国歌嘅时候,亦都系“起来,不愿做奴隶的人们”,绝对唔会唱成“起身,唔想做奴隶嘅乜乜”。推广普通话嘅意义,我就无谓多讲;普通话嘅地位,依家都系冇人喐得嘎。但系,一啲激进嘅权威人士认为,推广普通话,就要消灭方言。噉样嘅讲法,就一啲都冇道理喇。
  系,人类统一语言嘅梦想,从《圣经·创世纪》入边嘅“通天塔”开始,直到19世纪波兰一个医生发明“世界语”,一直都未断过。但系,梦想始终都系梦想,语言文字嘅统一,唔单止系一件“不可能的任务”,亦都系一件“不必要的任务”。语言嘅精彩魅力同埋文化价值,就在于佢嘅多样化,呢啲同唔同民族嘅文化差异系一样嘅道理。试谂下,如果全世界几十亿人,冚棒唥发同样嘅音、讲同样嘅语言,噉呢个世界就唔系人嘅世界,而系“机械人”嘅世界喇——噉你话恐唔恐怖吖?
  讲返转头,保护方言文化,唔等于就要拒绝推广普通话。因为,一个国家或者地区,冇一种统一嘅语言嚟畀人沟通,亦都系好可怕嘎。方言同雅言嘅对立统一,系和谐文化嘅重要内容之一。孔Sir不嬲都系要恢复周礼、回返西周“和谐社会”嘎,所以,佢喺读诗书、主持礼仪嘅时候,梗系要用“雅言”喇。
  所以,当一个人喺严肃场合讲出“站在船头看娇妻”噉嘅说话嘅时候,我哋唔单止唔可以笑佢,仲要肃然起敬,因为佢喺度努力紧,我哋,亦应该“一直在努力”。

  评论这张
 
阅读(146)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017