注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·12 子之所慎(栋笃论语·述而第七)  

2008-03-25 23:08:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子之所慎:齐、战、疾。

  【译文】齐,同“斋”,指祭拜之前要做嘅斋戒、沐浴嗰啲嘢。
  孔子小心对待嘅事有三件:斋戒、战争同埋疾病。

  【栋笃】有句广告话:“男人最紧要系一个肾。”噉男人行走江湖,最紧要系咩?又系一个“慎”。人生在世,要“慎”嘅事好多,点止三种?兼且孔Sir系一个事事小心嘅人,佢“慎”嘅,唔通就得呢三味嘢?噉政事、教育佢就唔“慎”?梗唔系喇,朱熹嘅《论语集注》就同编《论语》嘅人补镬喇:“夫子无所不谨,弟子记其大者耳。”即系话,孔Sir咩事都好小心嘎,只不过佢嘅弟子记啲重要嘅大件事啫。
  噉点解“斋、战、疾”系大件事呢?嗱,斋呢,系关乎礼制嘅事。礼,不嬲都系孔Sir学说里面一个基本点嚟嘅,我哋学过,“子入太庙,每事问”,孔Sir对祭礼本来就好熟嘞,但系佢入咗太庙助祭,仲要事事问下先,你睇,几“慎”啊 微笑 仲有一点,佢又话斋,“敬鬼神,而远之”。鬼神呢味嘢,话之佢有冇,总之,敬畏佢系冇错嘎。“举头三尺有神明”,先至会“克己”,唔会乱嚟。噉“斋”呢,就系敬鬼神嘅一种态度,因为你如果带住污糟邋遢嘅身体同埋思想去拜神,神会嬲嘎。所以,就要“斋戒三日,沐浴更衣”喇。提前三日,唔好食肉,唔好行周公之礼……咩,你问咩叫做“周公之礼”,点解唔行得?呢个问题……我哋留返广告之后再讲得唔得啊?噉我换另外一种讲法得嘞啩?即系话,做三日和尚,然后净身——嗱,又乱谂嘢喇——系冲咗凉,然后先至可以拜神。咩?忍唔住点办?超,乜你咁多问题嘎,呢位同学,今个月你交咗学费未啊?
  噉战争呢,因为关乎国家嘅存亡,梗系要“慎”喇。春秋无义战,战事一起,生灵涂炭,梗系要慎之又慎喇。身体健康,关乎自家生死,更加要“肾上加慎”喇。
  好喇,讲完。咪住,我仲要留返少少作业畀大家谂谂佢:孔Sir呢三慎,第一慎,唔使讲,佢不嬲都系坚持要“遵礼”嘎;第三慎,疾病,系人都要“慎”,点止阿孔Sir?第二慎,战争,喺鲁国又好,佢周游过嘅列国又好,慎唔慎,几时轮到佢话事啊?佢喺鲁国有咗少少权嘅时候,因为坚持“堕三家”(即系将掌权嘅孟孙、叔孙、季孙三家嘅城墙削低,抑制佢哋过分扩张嘅权力),就引发咗鲁国嘅内乱——噉样过激嘅行为,慎定唔慎呢?仲有一次,齐国嘅陈成子杀咗国君齐简公,当时只系“享受大夫待遇”嘅孔Sir,即刻要阿鲁哀公出兵讨伐齐国——人哋嘅内政噃,使乜你插手呢?仲有,以当时鲁同齐嘅国力相比,大概相当于古巴同美国。如果1963年美国总统肯尼迪遇刺嗰阵,古巴嘅切·格瓦拉要阿卡斯特罗出兵讨伐美国,你话,噉样不自量力嘅行为,系慎定唔慎呢?

  评论这张
 
阅读(250)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017