注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·11、15 富贵于我如浮云(栋笃论语·述而第七)  

2008-03-23 22:50:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“富而可求也,虽执鞭之士,吾亦为之。如不可求,从吾所好。”
  子曰:“饭疏食,饮水,曲肱而枕之,乐亦在其中矣。不义而富且贵,于我如浮云。”

  【译文】孔子话:“富贵如果系可以求得到嘅,即使系低贱嘅执鞭之士,我亦都愿意去做。如果唔可以求得到,噉我仲系做我中意嘅嘢得喇。”
  孔子话:“每日粗茶淡饭,侧侧膊,瞓多觉,人生乐趣自在其中。嗰啲唔符合道义嘅富贵,对我嚟讲,就好似天边嘅浮云一样。”

  【栋笃】其实喺《里仁第四》入边嘅第5章,我哋就学习过孔Sir嘅另一句好出名嘅说话:“富与贵,是人之所欲也,不以其道得之,不处也。”孔Sir承认咗富贵系人嘅欲望,佢自己亦都唔会拒绝富贵,佢拒绝嘅,只系“不以其道”得之嘅富贵。今次,孔Sir再次强调咗,富贵如果系可以求得到嘅,就算系做一个低贱嘅“执鞭之士”(为达官贵人开路),佢都肯制嘎(孔Sir后生时候都做过仓库管理员嘞)。富贵如果唔求得嘅,噉都冇所谓,做返自己中意嘅事,就算餐餐食饭盒,喺城中村租屋住,咪一样咁开心(乐亦在其中)?
  噉“可求”同埋“不可求”,以咩为标准啊?咪误会,唔系难度嘅问题,而系,“求”嘅方法、途径,系咪“以其道得之”。系嘅话,就系“可求”嘎;唔系嘅话,就系“不可求”,亦都系“不义”嘎。不可求、不义嘅富贵,对孔Sir嚟讲,就好似天边嘅浮云噉,又远,又虚浮。
  唔理社会点发展,系人,都系要求富贵嘎。所以,孔Sir呢几句说话,再过两千年,我估都唔会过时。一个文明嘅社会,就系人民个个都有均等机会“求富贵”嘅社会。1949年以后嘅中国,从鼓吹“越穷越光荣”到宣布“让一部分人先富起来”,进步系可以睇得到嘎。但系,“先富起来”嘅嗰部分人,有几个系“以其道得之”嘅,有几个系靠“不义之财”发达嘅?相信“人民群众的眼睛是雪亮的”。权钱交易、官商勾结、垄断资源、哄抬房价……睇下胡润富豪榜上边,有几个上榜富豪嘅双手,冇“沾满劳动人民的血汗”?本来系好有面嘅事,点解中国嘅富豪个个都惊上榜?点解?
  所以,社会矛盾尖锐,唔系穷人仇富——穷人真正“仇”嘅,系嗰啲“不义而富且贵”嘅人。美国人点解唔会“仇”比尔·盖茨呢?第一,佢嘅财富积累,完全系靠食脑揾返嚟嘅;第二,微软公司一有违法嘅地方(垄断),美国法律都唔会放过佢;第三,佢隐退之后,将几百亿家财捐畀慈善基金会。呢三点,我哋对比一下,咩都明嘎嘞。
  搞笑嘅系,依家,越系“不以其道得之”嘅富豪,越要扮“儒商”。唔知呢啲“儒商”读到孔Sir呢几句教训,有咩感受——不过估计佢哋亦唔会睇到。  (插图:老饼

  评论这张
 
阅读(301)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017