注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·10 用之则行,舍之则藏(栋笃论语·述而第七)  

2008-03-21 03:37:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子谓颜渊曰:“用之则行,舍之则藏,惟我与尔有是夫!”子路曰:“子行三军,则谁与?”子曰:“暴虎冯河,死而无悔者,吾不与也。必也临事而惧,好谋而成者也。”

  【译文】孔子同阿颜渊话:“有人任用,就入世从政;冇人任用,就出世隐居。能够做到噉样嘅,净得我同你两个喇!”子路听到就话:“如果要你统率三军,你会拣边个同你喺埋一齐?”孔子话:“空手打虎,徒步过河,死咗都无怨无悔嘅人,我系唔会同佢一齐嘎。一定要拣嘅话,我就拣嗰啲遇事小心谨慎、识得度桥解决问题嘅人。”

  【栋笃】孔Sir门下七十二贤人,其实个个都系好叻嘅人——叻就一个字,但系,叻嘅内容,就千差万别。颜渊()同子路呢两位,喺叻嘅表现上边,就零舍唔同喇。颜渊,唔使讲喇,我哋已讲过多次,佢系孔Sir最中意嘅掌门大弟子、衣钵传人,喺“闻一知十”呢方面,孔Sir甚至认为,佢自己都比不上颜渊(5·9),如果唔系阿回仔英年早逝,我哋依家讲嘅“孔孟之道”,就好可能叫做“孔颜之道”喇。《论语》入边,孔Sir赞呢位弟子嘅话仲有好多。今次,孔Sir讲嘅系,喺“入得庙堂、出得江湖”上边,只有颜渊能够同佢一样豁达。呢句话,简直可以同阿曹操嗰句“天下英雄,唯使君与操耳”PK喇。曹操嗰句说话,吓到阿刘备筷子都揸唔稳;孔Sir呢句说话,就令到一个人好唔忿气喇。
  呢个人,就是孔Sir另一位好叻嘅弟子——子路()。阿由仔喺孔Sir嘅弟子之中,可以讲系最令人难忘嘅。因为佢好勇过人,性格耿直,有乜讲乜。前面讲过,佢本来系一个古惑仔嚟嘎,畀孔Sir收入门下之后,佢亦能够修身养性,行仁近义。不过,本性嘅嘢,始终都系冇办法完全改变嘎。子路嘅勇武、冲动、率直,就一路都冇变过。佢入咗孔门之后,就冇人再敢闹阿孔Sir喇;孔Sir周游列国,一路多得有佢嘅保护;孔Sir喺灰心嘅时候,亦讲过“道不行,乘桴浮于海,从我者其由与”;佢赞子路嘅话,其实亦都有唔少,比如:“千乘之国,可使治其赋也。”“由也果,于从政乎何有?”等等。佢亦都同阿孔Sir驳过嘴,搞到孔Sir差啲顶唔顺,最出名就系孔Sir见完南子,子路“不悦”,搞到孔Sir要发毒誓话佢如果同南子有乜乜,就叫个天乜乜佢。
  噉孔Sir赞阿颜渊,子路点解要呷醋呢?嗱,头先讲咗喇,孔Sir本来系讲过,“道不行,乘桴浮于海(舍之则藏),从我者,其由与。”本来系子路嘅,依家改成咗颜渊,仲加咗个“惟”字,子路冇谂法先奇嘞。所以,佢就举咗一个自己最叻嘅方面嚟问阿孔Sir喇:你咪讲过“千乘之国,可使()治其赋”咩?噉如果你要统率三军,你拣边个同你一齐啊?”好明显,子路系要孔Sir赞佢多次,心理平衡返啲。点不知,孔Sir今次面都唔畀,仲借题发挥,讲佢睇唔起嗰啲有勇无谋嘅人,欣赏嗰啲谋略过人嘅人。
  睇咗呢啲解释,大家系咪觉得,孔Sir师徒嘅关系,好似唐僧师徒嘅关系呢?西游路上,出力最多、保护唐僧最得力嘅,梗系孙悟空喇。但系,唐僧最惜嘅徒弟,偏偏就唔系佢,而系猪八戒。点解?参考上边嘅内容,自己谂下喇,咔咔。  (插图:老饼

  评论这张
 
阅读(415)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017