注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·9 哭则不歌(栋笃论语·述而第七)  

2008-03-19 22:03:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子食于有丧者之侧,未尝饱也。子于是日哭,则不歌。

  【译文】孔子喺有丧事嘅人身边食饭,从来未食饱过。孔子喺呢一日喊过,就唔会再唱歌。

  【栋笃】俗话有讲喇,人皆有恻隐之心。其实呢个“恻隐之心”,亦都系仁道嘅一个重要方面嚟嘎。咩叫“恻隐之心”?就系将心比心,对受苦难嘅人表示同情、关心喇。闹市入边,见到真正可怜嘅乞衣,我哋会畀钱佢;边个地方嘅人受咗灾,我哋会捐款捐物……呢啲,都系恻隐之心嘅表现。孔Sir喺有丧事嘅人身边食饭,从来未食饱过,就更加系出于恻隐之心喇。点解?因为食饱对于人嚟讲,唔单止系生理需要,亦都系一种享受。有人屋企死咗人,哀伤所至,肯定食不知味,点可能食饱?你坐喺噉嘅人隔篱,前面越系山珍海味,你就越唔好意思“大快朵颐”,咪话食饱食滞喇。噉唔食得唔得啊?又唔得噃,对住啲山珍海味,你一啲都唔食,人哋肯定知道系佢影响咗你嘅食欲,噉佢内心肯定不安——点可以增加一个“有丧者”内心嘅不安呢?最衰嘅系,佢亦有可能以为你屋企同样发生咗啲咩事,掉返转头安慰你啵,噉似咩样啊?
  “食于有丧者之侧”,啲餸越靓,就越要忍,实在忍唔住,过后买包即食面咪得啰:)
  同样嘅道理,孔Sir如果嗰日喊过,佢就唔会唱歌。呢个喊,一般嘅解释,都系“哭丧”。丧者系你嘅亲朋好友,唔理感情深浅,你去“哭丧”,就要带住哀伤嘅心情。呢种心情,就算你系扮嘅,都唔可以只系扮一时,喊完之后,即刻同啲老友记开房唱K——即使你唱得落,都系违反咗人情之常同埋礼仪之规。噉如果掉返转头,你喺K房度唱紧歌,突然间手机响,同事话畀你知,局长嘅老母喺医院不治,叫你即刻去“哭丧”,你可唔可以话“唔得啵,我于是日歌,则不哭”啊?你傻嘎,梗唔得喇,就算带埋啲芥辣去,将啲眼泪逼出嚟,都要大喊特喊表现下喇。局长知道你系喺K房直接过嚟就喊得咁伤心,实感动到死,即刻升你做科长都唔定喇 大笑 
  但系,历史上,有过两个“丧而歌”嘅人,唔单止冇人话佢哋“非礼”,仲引为美谈添。呢两个人,一系庄子,一系嵇康。庄子老婆死咗,惠子去“哭丧”,就见到佢一边敲盆一边唱歌。惠子责问佢点可以噉样,庄子就话,人本“无生又无形”,死只不过系人向天地之间嘅回归,使乜喊啊?阮籍嘅老母死咗,“哭丧”嘅人好多,阮籍都系以礼相谢。当时仲未成为佢朋友嘅嵇康带咗酒同埋琴去灵堂吊祭,阮籍一见就好激动,因为佢卒之见到一个同佢一样不顾礼法嘅人,谂到用美酒同埋音乐嚟送别先人嘅独特吊祭法。两人最后成为咗生死之交。
  当然喇,庄子、嵇康、阮籍,都系大哲大贤,佢哋嘅所作所为,系我哋欣赏得嚟、学习唔到嘎。就好似依家啲电视广告或者节目,一般都会打上一行字:“表演者经过特殊训练,切莫模仿。”  (插图:老饼

  评论这张
 
阅读(316)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017