注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·8 举一反三(栋笃论语·述而第七)  

2008-03-16 21:30:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“不愤不启,不悱不发,举一隅不以三隅反,则不复也。”

  【译文】愤,心求通而得唔到;悱(音“匪”),有咗心得但系讲唔出;隅,本来指间屋嘅四个角落;复,重复讲多次。
  孔子话:“未到佢谂极都唔明嘅时候,就冇去启发佢;未到佢有咗心得但系讲唔出嘅时候,就冇去开导佢;举一唔能够反三,就唔好再讲多次喇。”

  【栋笃】现代教育学话畀我哋知,喺教学活动中,教师应该系主导,学生先至系主体。教师嘅任务,应该系引导、启发,帮助学生掌握自主学习嘅能力。呢种,就叫做“启发式教学”。而佢嘅对立面,系“注入式教学”,亦叫做“填鸭式教学”:鸭主为咗啲鸭肥啲重啲好卖啲,话之佢食唔食得落、消唔消化到,箍住条鸭颈,一味塞啲饲料落去,一个唔该,只鸭就会塞死。习惯“填鸭式教学”嘅教师,只要教学大纲要求学生要掌握几多知识,佢就将几多知识“塞”畀学生,话之啲学生理唔理解,掌唔掌握。
  喺我哋嘅印象之中,儒、释、道呢三家,释家、道家嘅传承,比较注重“启发式教学”。禅宗系最特别嘅,禅师接引弟子,讲究嘅系“顿悟”,佢绝对唔会话,你同我背诵、默写《金刚经》几多几多次;你同我记住,《心经》嘅中心思想系乜乜……一般系等到时机成熟,弟子心有所悟又讲唔出嘅时候,当头棒喝,令到佢个脑里边灵光一闪,然后顿悟。道家(非道教)更加系以顺应自然为最高嘅教学理念,尊重同埋发展人嘅个性,“行不言之教”嘅原则(《道德经》),又突出咗学生嘅主体作用。
  讲返孔Sir创立嘅儒家。呢两千几年嚟,儒家思想嘅传承,畀我哋嘅印象,系“注入式”为多。特别系科举时代,八股文盛行,“应试教育”就更加系“填鸭式”嘅。四书五经,教学以背书为主,经文嘅意思,老师点讲你就点记,唔允许“扩散性思维”同埋“求异性思维”嘅存在。用今日嘅说话,呢种教育系一个大“酱缸”,将学生嘅脑黐到实晒。
  但其实孔Sir唔系噉嘅噃。“不愤不启,不悱不发”,讲嘅正系喺适当嘅时机对学生进行启发嘅教学方法,举一反三,又系对“扩散性思维”同埋“求异性思维”嘅提倡——确实系“启发式”啊,点解传下传下,就变咗样嘅?
  最可能嘅原因,就系汉武帝嘅“罢黩百家,独尊儒术”喇。秦皇汉武一个“焚书坑儒”、一个“独尊儒术”,其实都同样系为咗“大一统”嘅专制统治需要。汉武帝嘅行为,将儒家捧上神坛,成为无庸置疑嘅统治思想,一代又一代嘅帝皇,睇到儒家思想对佢哋嘅统治咁使得,梗系继续“独尊”落去喇。半部《论语》治天下,一句顶万句,边个仲敢质疑啊?既然系噉,学习儒家思想,使乜启发啊?我授你受,注入咪得啰!
  举一反三,一种思想,话之佢系土产嘅又好,进口嘅又好,一旦畀统治者尊为“最高”,佢肯定就失去咗活力。喺呢种思想统治之下嘅国家,如果真系有“思想界”嘅话,亦都系一个大“酱缸”。所以,我哋依家需要嘅,唔系司马迁,而系司马光——一个够胆喺紧急关头“砸缸”嘅人。  (插图:老饼

  评论这张
 
阅读(285)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017