注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·7 学费问题(栋笃论语·述而第七)  

2008-03-14 22:03:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“自行束脩以上,吾未曾无诲焉。”

  【译文】脩,普通话、粤语音同“修”,干肉嘅意思;束脩,即系十条干肉。
  孔子话:“只要带十条以上嘅干肉做拜师礼嘅,我从来都唔会拒绝教佢。”

  【栋笃】“各位同学,今次早会主要同大家分享一个好重要嘅主题:小朋友,你哋今个月交咗学费未啊?”
  咪惊住,睇过《麦兜故事》嘅朋友,肯定记得上边呢段台词——冇错喇,系春田花花幼稚园嘅“校长”讲嘎。其实今日呢,我都想同大家分享“学费”呢个好重要嘅主题 微笑 
  易中天讲过:“孔子如果生活在今天,他肯定会上电视。不然,像他那样坐着牛车四处讲学,太辛苦了。”嗱,易老师嘅《品三国》,我就好钟意,但佢呢句“品孔子”嘅话呢,我睇就未必。因为,孔Sir如果真系生活喺今日嘅话,就算唔畀依家嘅教育制度激死,亦都可能畀“百家讲坛”激死喇。
  讲下笑啫。其实硬系要噉假设嘅话,惟一可以肯定嘅系:孔Sir如果生活喺今日,颜回、冉有、原思、公冶长等等,肯定做唔到佢嘅学生,咪话成为得意门徒喇。
  点解?因为呢几位都系穷学生,畀唔起昂贵嘅学费,点可能做“名教授”嘅研究生啊?
  喺度就要讲到孔Sir嘅伟大喇。喺孔Sir之前,读书系贵族专享嘅权利,穷人冇钱、亦冇资格受教育嘎。系孔Sir第一个提出咗“有教无类”嘅思想——即系教育面前人人平等,同时第一个创办私学,不分贵贱接收学生。佢创办嘅呢种私学教育,喺中国延续咗两千几年。所以话呢,“至圣先师”、“万世师表”,唔系浪得虚名嘎。
  梗系喇,孔Sir亦唔系绝对嘅“义务教育”,佢亦都系要收学费嘎。噉收几钱啊?冇话几钱啵,只系话“束脩以上”——一串腊味,十零条得喇。呢个学费标准,喺当时,系绝大部分人都畀得起嘎。我估,当时仲未有“野生动物保护法”,正系满地禽兽嘅世界,是但捉一只,加工成一串腊味,仲唔系“手到擒来”嘅事?就好似我读小学嗰阵,有一年兴“除四害”,交廿条老鼠尾,就可以顶一年学费喇。照噉讲呢,孔Sri收学费,只系象征性嘅收。佢老人家讲过“虽百世,可知也”,但系佢点都估唔到,两千几年之后,中国会有“教育产业化”嘅出现,教育会成为“新三座大山”之一,亦成为咗某啲人牟取暴利嘅工具……
  “不义而富且贵,于我如浮云。”孔Sir曾经噉样讲过。我谂,如果佢“生活在今天”,肯定谂极都唔明,点解遮天蔽日嘅,都系浮云?

  评论这张
 
阅读(117)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017