注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·6 四有旧人(栋笃论语·述而第七)  

2008-03-14 02:29:24|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“志于道,据于德,依于仁,游于艺。”

  【译文】孔子话:“志立于道,行守于德,心归于仁,身游于艺。”

  【栋笃】咪住,听我读下资料先:1985年,全国共青团思想政治工作会议上提出:要加强和改进新时期的青年思想政治工作,在四化建设的伟大实践中培养和造就一代有理想、有道德、有文化、有纪律的共产主义新人。从此,“做四有新人”的口号和以此为主题的活动在全国各行各业展开。
  嗱,唔系我捞过界,想学阿林野王写咩“旧年旧词”专栏,确实系我读到孔Sir呢句说话嘅时候,心入面好自然噉就浮起咗“四有新人”呢个“旧年旧词”(其实亦唔系好旧,廿几年啫),于是我即刻就去百度一下,揾到咗呢啲资料,攞过嚟同大家分享下喇。
  我唔知提出“四有新人”呢个口号嘅嗰位大佬,有冇读过《论语》嘅呢一章,如果冇嘅话,“历史是这样惊人的重复”,事隔两千几年,佢同阿孔Sir都“不约而同”噉向啲年青人提出咗相同嘅要求。我哋嚟睇下:志于道,即系“有理想”;据于德,即系“有道德”;依于仁,即系“有纪律”;游于艺,即系“有文化”,顺序可能有少少唔同,要求就一模一样喇。
  只不过,孔Sir嘅道、德、仁、艺嘅内涵,同“新时期”嘅“理想、道德、纪律、文化”,就有啲唔同。第啲唔讲,孔Sir嘅理想世界,系君、臣、士、民等各阶层嘅人都安分守己嘅等级社会,同“消灭阶级”嘅乌托邦简直差天共地;嗰个时期嘅“艺”,主要包括埋礼、乐、射()、御()、书、数“六艺”,同今时今日嘅“文化科学知识”,亦都差好远。
  再讲深一层,新旧“四有”喺轻重之分上边,又系不谋而合嘎。孔Sir系“道、德、仁”为重,“艺”为轻嘎。佢讲嘅另一句话可以证明:“弟子入则孝,出则弟,谨而信,汎爱众,而亲仁,行有余力,则以学文。”(1·6)仲有另一句,我哋学过冇几耐:“君子博学于文,约之以礼,亦可以弗畔矣夫!”(6·27)即系话,仁义道德,系最重要嘎,“博学”嘅人,要用“礼”去约束佢,先至唔会乱嚟。而新“四有”之中,“有文化”嘅排名虽然上升咗一位,排喺“有纪律”嘅前边,但系就仍然要受到“理想”、“道德”嘅制约。至于“四有”提出之前嘅六七十年代,全国学习“白卷英雄”,“又红又专”嘅“专”就完全唔要,一於“红”就得,而嗰啲被评为“白专”(思想“反动”嘅专业人才)嘅,就受到咗残酷嘅批判、打倒喇。
  依家流行一个词,叫做“德艺双馨”。不这呢个“艺”,主要系“艺术”,“德艺双馨”讲嘅主要系艺人。但系,所有艺人之中,真正可以称得上系“德艺双馨”嘅,究竟有几个呢?噉就只有天知道喇,咔咔。  (插图:老饼

  评论这张
 
阅读(130)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017