注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

7·5 孔子之衰(栋笃论语·述而第七)  

2008-03-09 23:02:25|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“甚矣吾衰也!久矣吾不复梦见周公!”

  【译文】孔子话:“弊家伙,弊家伙,原来我已经老咗咁多!咁耐都未梦见过周公嘞!”

  【栋笃】嗱,寻日呢,我哋先学习咗孔Sir嘅“心平气和”(申申如也,夭夭如也),不过话口未完,今次孔Sir就宣泄咗啲焦虑、无奈、失望嘅情绪噃。
  其实人都系噉嘅,孔Sir始终唔系老庄,真正嘅道家,能够超然物外,先至可以成日“申申如也,夭夭如也”。孔Sir即使老咗,亦都系“老骥伏枥,志在千里”嘎,都话“有志不在年高”啊嘛,作为一个“有志老年”,虽然“奔腾”、“日立”嘅日子经已过咗,“微软”、“松下”嘅现实缠住老人家,但系,有“联想”嘅话,仲系可以揾返少少“夕阳红”嘎。
  如果连“联想”都冇埋,噉就真系弊家伙嘞。
  孔Sir畀后世尊为“圣人”,其实圣人都系有偶像嘎。佢嘅偶像,我哋讲过好多次,就系周公姬旦喇。人嘅一生,唔同时期系有唔同嘅偶像嘎,比如在下我,细个嗰阵,偶像系雷锋叔叔;大个咗喇,我嘅偶像就系舒淇姐姐;依家呢?我嘅偶像就变咗杨振宁伯伯喇。呢三个偶像,其实代表咗我从“为人类的解放事业而献身”到“为人类的电影事业而献身”到“为人类的科学事业而献身”嘅思想变化历程。但系孔Sir唔同噃,孔Sir一世人,自始至终,都系一个忠实嘅“粥粉”(周公嘅粉丝)。佢崇拜周公,唔单止因为佢系鲁国嘅开国之君,最重要嘅系,周公制礼作乐,开创咗四百年嘅“和谐西周”,喺“粥粉”嘅心目中,呢位偶像嘅地位,甚至乎比尧舜仲要高嘎。俗话讲,日有所思,就夜有所梦喇,孔Sir后生嘅时候,肯定系经常梦见周公嘎,甚至有可能好似嗰位叫做凯库勒嘅化学家喺梦中梦到咗苯分子嘅分子结构一样,孔Sir嘅一啲仁道思想,都系喺梦中同周公学番嚟嘎 微笑 
  可惜呢,孔Sir奋斗终身,周游列国历尽艰难险阻,都冇一个统治者肯听佢呢支笛。冇偈喇,唯有收多啲学生,将仁道传播落去,希望通过后生一代嘅努力,解救到“世界上三分之二还处在水深火热之中的人民”。
  但系,呢种事,用依家嘅话嚟讲,不过系乌托邦啫。可能性有几大,孔Sir实心知肚明嘎喇。日无所思,夜就无所梦,日子一日一日噉过落去,直到有一日,孔Sir喺“申申如也,夭夭如也”嘅时候,突然间谂起,弊喇……
  咩叫“礼乐未兴身先老,长使书生泪满襟”,就系噉喇。
  弊喇弊喇,讲到呢度,我先谂起,“甚矣吾衰也!久矣吾不复梦见杨翁!”  (插图:老饼

  评论这张
 
阅读(126)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017