注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·30 己欲立而立人(栋笃论语·雍也第六)  

2008-02-26 00:13:25|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子贡问曰:“如有博施于民而能济众,何如?可谓仁乎?”子曰:“何事于仁?必也圣乎!尧舜其犹病诸。夫仁者,己欲立而立人,己欲达而达人。能取近譬,可谓仁之方也已。”

  【译文】子贡问阿孔子话:“如果有人能够恩泽天下,又能够救济大众,噉点啊?可以算得系仁嘞啩?”孔子话:“点止系仁啊!简直就系圣人嘞!就算系尧舜想噉做,都心有余而力不足嘎。所谓仁,就系自己想有成就,亦都要令到人哋有成就;自己想通明事理,亦都要令到人通明事理。能够将心比心,就系通往仁德嘅方向嘞。”

  【栋笃】前面已经讲过,因为孔Sir认为“仁”系儒家理论嘅根本,佢又从未畀过一个权威嘅解释:究竟咩系仁?唔怪得佢带嘅研究生,一个二个都要问咩系仁嘞——冇定论嘅话,点写论文啊 微笑 喺“公冶长第五”呢篇入边,孟武伯问过孔SIr,佢嘅学生子路、冉求、公西赤呢三个人究竟仁唔仁,孔Sir都话唔知(5·8)。学生子张举咗令尹子文、陈文子为例,问孔Sir佢哋算唔算系“仁”,孔Sir只系讲咗,佢哋两个一个“忠”,一个“清”,仁唔仁,佢亦都系“未知”(5·19)。
  贤、能、忠、清嘅人,都唔知算唔算得上系“仁”,唔通“仁”系天下最难做到嘅事?子贡实在搞唔清楚,就往最高处假设嘞:如果有一个人,佢能够恩泽天下,普救大众,噉算唔算系“仁”啊?子贡点解要假设?因为第啲人举咗现实中嘅人物,几巴闭都好,孔Sir都话唔知算唔算仁,噉就举一个现实中冇嘅、理论上“人”可以做到嘅最高境界:博施于民而能济众。我估阿子贡嘅意思系话,如果噉嘅人,阿Sir你都“未知”佢算唔算仁嘅话,噉就证明咗,“仁”,系冇可能达到嘅。
  点不知,孔Sir竟然话,能够做到噉,已经唔单止系仁,而系“圣”嘞——圣,仲喺仁嘅上边啵!而且,“圣”呢种境界,系尧舜噉样世间公认嘅“贤君”都难以做到嘎!
  大家注意嘞,喺度,孔Sir唯一一次,提出咗“圣比仁高”嘅观点。唔通,道德嘅最高境界,真系一山还有一山高,所以要“将有限的生命投入到无限的为人民服务之中去”?孔Sir即刻就话你知,求仁嘅方法,其实好简单嘅啫。
  呢个方法,被动啲讲,就叫做“己所不欲,勿施于人”;主动啲嘅,就系今次讲嘅“己欲立而立人,己欲达而达人”嘞。将心比心,从最小事做起,推己及人,就系一条通往“仁”嘅正确道路嘞。
  至于“博施于民而能济众”,咪话春秋以前冇人做得到,就算系孔Sir之后嘅两千几年,亦都冇人做得到;再推后啲,相信亦冇噉嘅人出现。点解?因为一个能够“博施于民”嘅人,肯定先要系一个能够“博取于民”嘅人。佢“博施于民”嘅权力、财物,系边个畀佢嘅?仲唔系“取之于民”!传说中嘅尧舜未对人民横征暴敛过,佢哋攞咩去“博施于民而能济众”?君主专制嘅时代,有啲皇帝摆过“开仓赈灾”嘅Pose,“仓”入边啲米,咪又系以前喺农民手中抢过去嘅?而一个文明民主嘅社会,官员只不过系人民出钱雇嘅奴才(公仆),总统亦都系“国家”呢个大家庭入边嘅总管啫,管家、奴才,有咩权力攞主人嘅财物去畀主人啊?

  评论这张
 
阅读(240)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017