注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.6行有余力,则以学文(栋笃论语·学而第一)  

2006-12-28 23:19:54|  分类: 乱弹论语 |  标签: |举报 |字号 订阅

  下载LOFTER 我的照片书  |

  

  【原文子曰:“弟子入则孝,出则弟,谨而信,汎爱众,而亲仁,行有余力,则以学文。

  【译文】孔子话:做弟子嘅,喺父母面前,就要孝顺父母;出咗门喺出边,就要尊敬师长,讲嘢做嘢要谨慎诚实,要讲博爱,多多亲近嗰啲有仁德嘅人。做到晒呢啲,仲有余力嘅话,就可以去学下啲文化知识嘞。

  【栋笃】呢几句,可以睇成係孔子佢老人家亲自设立嘅“弟子规”、“三字经”嚟噶,点题仲係嗰两个字:孝弟(悌)。喺前边,即係本篇嘅第二章,有子讲咗,孝悌係为仁之本。既然係“本”,咁孔老师喺度咁长气讲多次,亦都唔出奇——冇理由学生讲咗,老师反而静鸡鸡噉。但係,孔子讲嘅,唔单止再次强调要孝悌,仲讲明咗做弟子嘅日常规范嘅主次之分。乜係主?孝悌、谨信、博爱、亲仁,呢四样嘢为主;乜为次?“学文”为次——即係话,德智体德智体,德为主,智为次,仁爱之余,得闲先至学习文化知识。用以前“政治挂帅”嗰阵时嗰啲术语嚟讲,即係——只要政治过关,白卷亦係英雄。唔使“三好学生”,“一好”就得。梗係咯,一日净得廿四个钟,要“三省吾身”,要时刻记住孝悌谨信博爱亲仁,噉仲有几多时间“学文”啊?又唔係深圳某医院,可以多出一个钟嚟。噉依家睇嚟呢?冇错,孝悌谨信博爱亲仁,喺边个朝代边个社会都係要提倡嘅,特别喺依家呢个社会,某啲父母要将仔女告上法庭,先至可以得到应得嘅赡养同陪伴——孝心缺席、诚信缺失,博爱亲仁,就更加“多乎哉不多也”,呢个时候,重温孔子嘅话,的确係可以令到某啲人反省下自己。但係,矫枉唔可以过正,提倡孝悌,唔等于要我哋认同“行有余力则以学文”。我哋可以谂下,如果全民都认为德重于智,边个最有着数?谂返一下有子嗰句好天真嘅“其为人也孝弟,而好犯上者,鲜矣;不好犯上,而好作乱者,未之有也”,係咪一目了然?冇错,冇咗犯上作乱嘅人,统治者就可以好轻松噉“使民以时”,安享江山万年喇。以前唔係有一句话,叫“知识越多越反动”咩?当今社会,人才竞争激烈,“行有余力则以学文”,想饿死咩?好多人係“学有余力,则以孝悌”至真。讲返转头,对于一个人嚟讲,德同智,係一样重要缺一不可嘅。如果夹硬去分主次,即係居心不良。 (插图:老饼)

  评论这张
 
阅读(352)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017