注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·28 孔子的八卦绯闻(栋笃论语·雍也第六)  

2008-02-23 19:29:25|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子见南子,子路不说。夫子矢之曰:“予所否者,天厌之!天厌之!”

  【译文】南子,卫国国君卫灵公嘅夫人,以淫乱出名;说,通“悦”,高兴嘅意思;矢,同“誓”,发誓噉解。
  孔子去见南子,子路好唔开心。孔子就对天发誓话:“我如果有咩做唔啱嘅地方,天打雷劈!天打雷劈!”

  【栋笃】嗱,卒之讲到孔Sir一生之中最八卦嘅嘢嘞。南子系咩人嚟嘎?点解孔Sir去见佢,学生子路会唔开心啊?前面讲过嘞,南子就系卫国版嘅妲己,以美色迷惑咗卫灵公,把持朝政,同时佢又好淫乱噉,有过唔少“面首”(情人)。孔Sir周游去到卫国,谂住要同阿卫灵公推销佢嘅仁义之道。南子听到呢个大名人要嚟,心喐喐噉,梗系要见下佢嘞。孔Sir呢,知道南子系把持卫国朝政嘅实权人物,拒绝佢肯定激嬲佢,激嬲佢就乜事都做唔成嘞。所以,孔Sir就“舍身取义”去见南子嘞。
  孔子同南子喺边度见面?见咗几耐?倾咗啲乜?当时卫国嘅《帝丘娱乐信报》头条《鲁卫“双子”私会 孔丘师徒反目》系噉讲嘅:“申时三刻,鲁驾临宫。宫人迎丘入,仲由(子路)仗剑守宫外。众犬史(娱记)纷询由,由皆报以无可奉告。及酉时刚届,则见丘垂首自宫出,脸有忿色。众趋前问丘,丘一语不发,由护登辇,鲁驾绝尘。路人皆称:丘由车中激辩,言疾辞厉,师徒因南子反目无疑……”报道讲,孔Sir喺下昼三点九个字入宫见南子,五点出宫,两人倾咗个几钟。从孔Sir出宫嗰阵嘅面色睇,“双子”嘅密偈倾得唔系几愉快。子路嘅“不悦”同埋孔Sir嘅发誓,可能就系喺离宫嘅马车上边发生嘅。
  咩叫“吃不到羊肉惹一身臊”,孔Sir就系咁黑仔嘞。子路如果以为阿Sir同嗰个绯闻女主角发生咗咩唔应该发生嘅事,噉肯定冤枉咗孔Sir嘞。冇错,南子好淫贱,但系,除非佢有特殊癖好,唔系嘅话,正常啲嘅女人,都唔会对孔Sir有“嗰方面”嘅兴趣嘎。点解?因为孔Sir个样生得实在抱歉,“首上圩顶”,头骨中间冧,四周高;“河目隆颡”,对眼好长,颧骨好高;“面如蒙倛”,蒙倛,系驱邪用嘅神像,可以吓死鬼嘎——咁鬼肉酸,直情拍得上《巴黎圣母院》入边嘅钟楼怪人啊!阅人无数嘅美女南子,点可能对佢有兴趣啊?话唔定,佢要见佢,就系听讲佢生得咁丑怪,想见识下啫 大笑 
  电影《手机》入边,费老同严守一讲,佢同嗰个女学生虽然开咗房,但系就“坐而论道”,确实咩事都冇发生。做人要厚道,子路嘅“不悦”,确实系冤枉咗佢老师嘞。唔怪得孔Sir要对天发誓:如果我有乜乜,就叫个天乜乜!
  照噉睇嚟,惹上咗绯闻,你就系“大成至圣先师”都一样无奈嘞。两千年前都系噉,何况依家?咔咔。  (插图:老饼

  评论这张
 
阅读(128)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017