注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·26 君子可欺不可罔(栋笃论语·雍也第六)  

2008-02-16 21:33:25|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文宰我问曰:“仁者,虽告之曰‘井有仁焉’,其从之也?”子曰:“何为其然也?君子可逝也,不可陷也;可欺也,不可罔也。”

  【译文】宰我,即宰予,日头瞓觉畀孔Sir闹过“朽木不可雕也”嗰个学生。
  宰我问阿孔Sir话:“有仁德嘅人,如果有人话畀佢知,有人跌咗落井,佢会唔会跟住跳落去救人啊?”孔子话:“点解会噉呢?你可以用呢件事呃君子去救人,但系冇可能陷害佢跳落井里边;你可以用呢件事呃到君子,但系整蛊唔到佢。”

  【栋笃】宰我呢条友仔,都唔知点讲好。日头瞓觉,畀孔Sir闹“朽木不可雕”。真系咁大个仔,乜都畀人闹过,“废柴”就第一次听嘞。不过,可能系阿Sir闹,反而起到咗“激将”嘅作用,宰我唔甘心“一日朽木,成世废柴”,就经常向孔Sir提啲叼钻嘅问题,显示佢嘅聪明嘞。你睇佢今次嘅问题,系咪好有“求异性思维”啊?
  “井有仁焉”,呢个“仁”,有几种解释:仁者、仁德、人,如果系“人”,就解释得通啲,所以,朱熹、钱穆等古今大儒,都话系“人”。宰我点解问呢个问题呢?我估可能系孔Sir啱啱讲过仁者要“见义勇为”等等嘅话。宰我就谂住用呢个问题嚟难倒佢:“噉如果有人同仁者讲,有人跌落井里边啊,仁者会唔会跟住跳落去救人啊?”宰我噉问,其实系两难:“从,则不智;不从,则不义。”跟住跳落去,系傻嘎;唔跟住去救,就系不义嘞。话之傻定不义,都唔系“仁者”。系咪好叻啊?
  点知孔Sir一啲都冇畀佢难倒。“听到噉嘅事,君子肯定要跟去救人。但系,君子亦都系聪明人,因为你留喺井上边,先至可以谂办法救到人;如果你跟住落去井里边,点救啊?噉嘅理由,可能暂时呃到君子,但系要迷惑佢整蛊佢,系冇可能嘎。”
  师生两个,一个问得巧,一个答得正,都系叻人嚟嘎。但系我唔明嘅系:宰我问嘅系“仁者”,孔Sir答嘅系“君子”,系咪偷换概念啊?唔通孔Sir认为君子=仁者?但系佢又讲过“君子而不仁者有矣夫”啊(宪问第十四)!或者孔Sir认为世间根本就冇仁者,所以宰我嘅问题根本就唔成立,但系唔答佢又唔得,求其揾个最接近仁者嘅“君子”顶数?真系谂极都唔明啊,咔咔。

  评论这张
 
阅读(218)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017