注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·25 觚冇觚样,官冇官样(栋笃论语·雍也第六)  

2008-02-16 00:29:25|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“觚不觚,觚哉!觚哉!”

  【译文】觚[国gū 粤gu1 姑],古代嘅酒杯,亦指器具上边嘅棱角。
  孔子话:“酒杯冇咗棱角,仲系觚咩?仲系觚咩?”

  【栋笃觚,唔系一般嘅酒杯,系可以装两升酒、喺祭礼上边用嘅酒杯。本来,觚上边系有棱角嘎,到咗春秋时期,唔知点解,就将觚嘅棱角切咗去,变成咗圆嘅嘞(如图)。呢啲嘢,本来系好细嘅一件事,只不过系审美观嘅变化啫,但系,去到孔Sir嗰度,又变成咗“非礼”嘅大事。
  觚冇咗棱角,仲系觚咩?仲系觚咩?连续两声嘅反问,可以听得出,孔Sir个心有几激气。其实我哋已经好长气噉讲过几次嘞,喺春秋时期,礼崩乐坏,周天子失势,攞啲诸侯冇办法,君不君,臣不臣,僭越、
非礼嘅事成日发生。对于噉样嘅状况,孔Sir实在睇唔过眼,周游列国去劝嗰啲诸侯恢复周礼,又冇人睬佢,真系“志比天高、命比纸薄”。点样乐观嘅人,撞到噉嘅遭遇,有时候“愤青”啲,其实都系可以理解嘎。
  “觚不觚,觚哉!觚哉!”呢句说话,好可能系孔Sir喺祭礼之后,用新嘅圆觚饮酒,然之后有感而发讲出嚟嘎。朱熹嘅《论语集释》入边引用程子嘅话,就讲得好好嘞:“觚而失其形制,则非觚也。举一器,而天下之物莫不皆然。故君而失其君之道,则为不君;臣而失其臣之职,则为虚位。”觚冇咗觚个样,就唔系觚嘞。攞噉样一嚿嘢做代表,全天下嘅嘢,冚棒唥都系噉样。所以,做君主嘅无道,就唔系君主;做臣下嘅冇尽到臣下嘅职责,就系挜住个屎坑唔屙屎嘞。
  咁啱嘅,我讲到呢度嘅时候,就睇到报纸上边嘅大标题《承诺的事情做不到,我看这个局长也不要当了》,系广州一位纳税人批评某局局长讲嘢唔算数嘅新闻。新闻嘅内容大家应该都知嘞,我无谓讲多次。我要讲嘅系,呢个标题,就完全可以当正系“觚不觚,觚哉!觚哉”嘅现代版嘞,咔咔。

 

  评论这张
 
阅读(140)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017