注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·17 门户与门路(栋笃论语·雍也第六)  

2008-01-25 22:10:27|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“谁能出不由户?何莫由斯道也?”

  【译文】孔子话:“边个可以唔通过门口出去啊?点解唔行呢条路呢?”

  【栋笃】嗯哼——等我咳下先,再抄埋呢句说话嘅“正确”解释,费事啲专家学者话我有“硬伤”,误人子弟添。
  边个可以唔通过个门出去啊?嗱,大家都知嘎嘞,门呢,系出入屋企嘅“正确途径”嚟嘎。噉就好似通行天下嘅“大道”噉(孔Sir嘅意思梗系儒家思想嘞),咩事都唔可以唔照呢个“真理”嚟做嘎。呢句说话呢,就系噉指明咗以“仁”为一个中心、“礼”、“义”为两个基本点嘅儒家思想嘅重要性,佢系出入社会嘅正路,唔行唔得嘎。许冠杰都唱嘞“财神到,财神到,揾钱要正路”吖嘛,唔好行“旁门左道”,大家记住未啊?
  记咗就得嘞——咩?要我畀条路你行,唔好日日讲呢啲咁鬼死闷嘅嘢?又得啫,你答咗我先:咩人可以“出不由户”啊?讲唔出系咪啊?嗱,我话畀你知啊,咩人呢?咪就嗰啲“入不由户”嘅人啰。可以“入不由户”,梗系可以“出不由户”嘞,你话系咪啊?
  系噃,系脑筋急转弯嚟嘎,你好嘢:)好,噉我又问你嘞:咩人可以出入都唔使行嗰个大门呢?咪就以下三种人啰:贼人、奸人同埋官人嘞。贼人,唔使讲大家都知嘞,依家广州街头嘅治安加强咗,听讲啲贼人都迫到要入屋盗窃,擒墙破窗,梗系唔使“由户”嘞;第二:奸人,咩人啊?咪就啲“奸夫”啰,佢哋惊畀人睇到,肯定唔敢行大门嘞。《西厢记》入边嘅张生、《胭脂》入边嘅宿介、《水浒传》入边嘅徽宗皇帝等,佢哋为咗私会美人,梗系出入都“不由户嘞;第三,官人,即系啲做官嘎。你咪以为做官就可以为所欲为,佢哋亦都有好多时候唔敢“出入由户”嘎。第啲唔讲,以前赖昌星喺厦门搞嘅“红楼”,咪就有秘密通道畀啲“官人”出入?仲有,依家唔少高级嘅餐馆酒店,都同啲“贵宾”提供遮掩车牌、“秘道”通行嘅服务,佢哋使乜“出入由户”啊?“何莫由斯道也”?梗系唔见得人嘞。
  有一段古,介绍咗孔Sir讲呢句说话嘅背景。话说孔Sir后生嘅时候好穷好穷,有一次,佢个肚叽叽咕咕,又冇嘢食,就瞓喺床度,减少啲热量嘅消耗。点知一个好黑仔嘅贼仔,竟然“不由户”入到孔Sir屋企偷嘢。孔Sir畀个贼惊醒,见到个贼喺度凼凼转揾嘢,忍唔住就同佢讲:“唔该,揾到啲咩值钱嘅嘢同我讲声啊,我揾咗成日都揾唔到啊。”个贼畀人发现,就要跳窗逃走。呢个时候,孔Sir就话:“冇钱畀你,畀条路你行嘞。嗱,谁能出不由户?何莫由斯道也?”即系话,后生仔,我咁穷,都要行正路,你点解唔行呢条路呢?个贼听到,即刻醒悟,浪子回头,仲学雷锋做好事添,后尾卒之成为咗一个有为青年,仲畀人评为“十大杰出青年”,为和谐社会做出咗应有嘅贡献。(以上内容摘自《滋阴》杂志文章《我那好心的穷教授啊,你可知被你感化过的盗贼,正是本届“十杰”之一》

  评论这张
 
阅读(153)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017