注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·23 知者乐水,仁者乐山(栋笃论语·雍也第六)  

2008-02-03 00:39:25|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“知者乐水,仁者乐山。知者动,仁者静。知者乐,仁者寿。”

  【译文】孔子话:“有智慧嘅人中意水,有仁德嘅人中意山。有智慧嘅人好动,有仁德嘅人爱静。有智慧嘅人比较乐观,有仁德嘅人比较长命。”

  【栋笃】黄金周又到嘞。每个黄金周之前,媒体上、私底下,唔少市民都喺度讲紧黄金周出游有几辛苦、几唔抵,仲发誓话“打死都不出去了”。不过话时话,黄金周一到,虽然每个景点都“趁火打劫”噉提高票价,依然挡唔住浩浩荡荡嘅旅游大军。高山大海,就噉样变成咗人山人海。
  点解会噉?就因为,亲近山水,系人类潜意识入边嘅“返祖现象”。平时冇时间,黄金周人系逼啲,出嚟唞啖气,寄情山水,都好过继续屈喺“石屎森林”度呼吸废气嘞。
  但系,有冇人统计过,出游嘅人里边,边啲人中意山,边啲人中意水呢?
  有。两千年前,孔Sir就噉话畀我哋知:聪明嘅人中意水,仁德嘅人中意山。点解呢?因为,知识就好似流水噉,系不断噉向前发展、与时俱进嘎;所以,有知识嘅人,“爱屋及乌”,就中意水、好动嘞。仁德呢,系人心里边最根本嘅嘢,佢系唔会有变动嘎,就好似山一样厚重,千年万年,栋喺度一啲都唔会喐。所以,有仁德嘅人,就中意山、爱静嘞。仲有啊,智慧可以帮到人解决好多问题,所以,聪明嘅人就容易开心啲;仁德可以令到人清心寡欲,所以,“仁人”就会长命百岁嘞。
  听起身,都几唔错噃。但系,点解历史上好多“知者”,都中意静心研究学问,匿埋喺山上隐居呢?点解呢啲“知者”畀人请出嚟做官,系叫做“出山”,而唔系“出水”呢(梗系嘞,“诸葛亮出水”,几鬼难听啊,你以为芙蓉姐姐咩)?点解唔少“知者”因为“众人皆醉我独醒”而活得畀人痛苦呢(比如屈原)?点解好多“仁者”唔单止唔“寿”,仲好短命呢?
  点解、点解有咁多“点解”呢?就因为孔Sir嘅原话、同后人嘅解释里边,是但有个犯咗“以偏概全”嘅错误。
  我宁愿相信,孔Sir嘅原话,讲嘅唔系“人”,而系“知”、“仁”本身。上一Part樊迟问咗知、仁,孔Sir因材施教。之后,佢可能惊阿迟仔理解唔到,再讲多呢一句,用咗生动嘅比喻,帮助阿迟仔呢个“中人以下”理解咩系知、咩系仁。
  系噉嘅话,孔Sir讲嘅就系:智慧就好似流水,仁德就好似山峰。水,系喺山入边流出嚟嘅,流水动,山峰静。知识带嚟嘅快乐,可以畀人“曾经拥有”,只有仁德,先至系“天长地久”嘎。
  噉样嘅解释,就唔会将“知”同“仁”分开。因为,做一个儒家弟子,本来就系必须要集“知”同“仁”于一身嘎。你睇依家中意旅游嘅人,边个唔系“五一上山、十一落水”或者“十一上山、春节落水”嘎?

上一篇:
下一篇:
  评论这张
 
阅读(183)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017