注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·22 敬鬼神而远之(栋笃论语·雍也第六)  

2008-01-31 23:50:27|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文樊迟问知。子曰:“务民之义,敬鬼神而远之,可谓知矣。”问仁。曰:“仁者先难而后获,可谓仁矣。”

  【译文】樊迟问咩系智慧。孔子话:“尽力去做嗰啲人民认为应该做嘅事;敬奉鬼神,但系远离佢哋。噉就可以算系一种智慧喇。”樊迟又问咩系仁。孔子话:“艰难困苦先,收获享受后,噉就系仁喇。”

  【栋笃】嗱,孔Sir上一Part啱啱先讲过,“中人以上,可以语上也;中人以下,不可以语上也。”今次,佢就举咗一个例子,话畀我哋知,乜嘢叫做“中人以下,不可以语上”。
  学习过《论语》嘅朋友都知嘎喇,喺成部书入边,孔Sir从来都未科学、全面噉对“仁”、“义”、“智”等等解释过。唔同嘅人去问佢,都会得到唔同嘅答案——噉就系“因材施教”喇。因为“仁”喺儒家思想入边系“重点中嘅重点”,就好似佛家嘅“佛”同埋道家嘅“道”,一切众生皆有佛性,道可道,非常道——唔讲得,唔讲得。但系,唔讲得唔等于唔求得啵,“知”(),就系“求仁”嘅途径、方法。成佛嘅道路千千万万,条条道路通西天,悟性唔同嘅人,可以拣唔同嘅道路,唔系咩毕业考或者“论文答辩”可以统一搞掂嘅。
  樊迟系孔Sir嘅学生,但系,同颜回、子贡等“优等生”相比较,佢嘅资质,就可以算系“中人以下”喇。今次佢问阿孔Sir,究竟咩系知()、咩系仁——呢两个问题,偏偏就系属于“上”嘅问题。如果樊迟系一个禅宗弟子,佢出家冇几耐就去问禅师,点样先至可以成佛?实畀禅师“糪头”(当头棒喝)添。好彩,孔Sir唔系禅师,唔会以为噉样简单、粗暴嘅办法可以令到一个“中人以下”嘅人“顿悟”。所以,佢就因材施教喇,拣啲阿迟仔容易学识嘅,畀佢一个循序渐进嘅机会喇。
  噉点解“敬鬼神而远之”就系“知”呢?喺孔Sir生活嘅春秋时代,绝大部分人,系相信有鬼神嘅。统治者要稳固自己嘅地位,亦都要假借神权先至可以令到人民信服。相信鬼神嘅人,就会畀“鬼神”所迷惑,失去理智,咩事都靠晒“鬼神”;嗰啲唔信鬼神嘅人,又一啲都唔敬畏鬼神,精神上冇咗约束,就会胆生毛乱咁嚟嘅喇,距离“仁”嘅要求就越嚟越远喇。所以,对待鬼神最理智嘅态度,就系“敬而远之”:敬,相信“举头三尺有神明”,就会“日三省吾身”;远,唔信鬼神可以左右人类嘅祸福,有事自己努力解决。噉样,先至系理智嘅行为。但系,“可谓知矣”,唔等于“是为知矣”,即系话,“知”有好多表现,呢啲,只系其中嘅一部分啫。
  “仁”嘅内容就更加多喇。“先难而后获”,即系范仲淹嘅名句“先天下之忧而忧,后天下之乐而乐”喇。呢层意思,我就唔使再讲喇。做到噉嘅人,梗系“仁人”喇,但系,“仁”,又唔单止系咁简单嘎。
  但系对于樊迟嚟讲,识得呢两点就得喇,“学而时习之”,猴年马月之后,等佢有咗心得,先至讲深啲喇。

  评论这张
 
阅读(154)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017