注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·21 因材施教(栋笃论语·雍也第六)  

2008-01-31 00:55:27|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“中人以上,可以语上也;中人以下,不可以语上也。”

  【译文】孔子话:“智力中等以上嘅人,可以同佢讲啲高深嘅道理;智力中等以下嘅人,唔可以同佢讲高深嘅道理。”

  【栋笃】孔Sir呢句说话,“一言以蔽之”,就系大家都听过嘅“因材施教”嘞。两千年嚟,孔Sir畀人尊为“圣人”,亦都曾经畀人“打倒”、“再踏上一只脚”,但系,佢最早提出嘅“因材施教”嘅教育方针,边个讲起,都会栋起大大只嘅手指公嘎。
  教书育人,喺主观上,对学生系要“一视同仁”嘎,唔可以因为边个叻啲,边个唔叻,就有轻重之分。但系,客观上讲,就唔可以“一视同智”嘞。要承认,人嘅智商、悟性,的确系有高低之分嘎。承认咗呢一点,先至可以对症下药、因材施教。智商、悟性,决定咗人嘅接受能力,所以,中等智商以上嘅人(IQ110以上),同佢讲啲高深嘅知识或者道理,佢能够接受、领会,能够融汇贯通,就可以收到事半功倍嘅教育效果;中等智商以下嘅人(IQ100以下),同佢讲高深嘅知识或者道理,佢会听到矇查查,接受唔到,教育效果肯定系事倍功半嘞。呢个道理,相信智商正常嘅人,都会明嘎 微笑 

  金庸笔下嘅大侠,加加埋埋几十人,边个智商最低?梗系郭靖嘞。喺郭靖从一个“傻仔”成长为“大侠”嘅过程当中,教过佢嘅师父有唔少,但系因为教育方针唔同,教育效果梗系差天共地嘞。江南七怪系郭靖嘅入门师父,呢七位师父为咗郭靖可以早啲学晒佢哋全部嘅武功,喺比武中打赢杨康,就急功近利,进行“填鸭”式教育,呢种“应试教育”卒之搞到徒弟好痛苦,师父更加痛苦;全真七子嘅马钰偷偷教郭靖,就注重素质教育,由最基础嘅“吐纳”功夫练起先,冇几耐,郭靖嘅武功就可以打赢佢嘅“七怪”师父嘞。但系,最识得“因材施教”嘅,仲系“北丐”洪七公。佢一开始就睇出郭靖嘅资质一般,悟性唔高,所以,佢特登教郭靖“降龙十八掌”,因为呢套掌法招式简单,威力系喺不断嘅重复中提高嘅,噉梗系最啱郭靖嘞。所以,洪七公系郭靖最关键嘅一位师父。洪七公之后,教过郭靖武功嘅人,最重要嘅系“老顽童”周伯通嘞。周伯通唔识咩“因材施教”,今次系郭靖撞啱咗,“因材领教”,因为周伯通嘅“双手互搏术”,亦都系郭靖呢种“四肢发达、头脑简单”嘅人先至可以学识嘅。
  谂返转头,如果郭靖一早撞到嘅系“天下第一”嘅王重阳,王重阳夹硬要郭靖学“九阴真经”,噉郭靖肯定唔系黐咗线,就系更加傻嘅嘞。全真七子咁高悟性嘅人,喺“天下第一”嘅师父培养之下,都只能够成为“二流”嘅高手,喺因材施教方面,王重阳肯定都系麻麻哋嘅嘞  大笑   (插图:老饼

  评论这张
 
阅读(180)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017