注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·20 知之、好之、乐之(栋笃论语·雍也第六)  

2008-01-29 01:11:27|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“知之者不如好之者,好之者不如乐之者。”

  【译文】孔子话:“知道佢嘅人比唔上爱好佢嘅人,爱好佢嘅人比如上以佢为乐嘅人。”

  【栋笃】嗱,又系一句“放之四海而皆准”嘅金句嘞。其实孔Sir讲嘅,应该系儒家嘅“镇山之宝”——仁道嘞。知道“仁道”系乜嘢嘅人,比唔上嗰啲爱好“仁道”嘅人;爱好“仁道”嘅人,又比唔上以“仁道”为乐嘅人。点解噉讲呢?因为知易行难,净系知道嘅话,你唔一定会去做。被迫去做,就唔会有好嘅效果嘞。有动力,先至会主动去做。噉动力喺边呢?动力就喺“爱好”嗰度,有爱好,先至有动力,兴趣系最好嘅Miss啊嘛。呢啲,就叫做“知之者不如好之者”嘞。做嘢系噉,学嘢,就更加系噉。
  但系,爱好系有深浅之分嘎。一般嘅爱好,只系能够令到你自愿去做、去学;最高层次嘅“爱好”,就系直接喺做嘢、学嘢嘅过程之中得到咗人生乐趣。有咗乐趣,就唔单止有动力去做、去学,仲可以有事半功倍嘅效果添。有两个成语:“乐善好施”,“助人为乐”,讲嘅就系嗰啲能够喺行善积德、帮助人哋之中得到人生乐趣嘅人,噉嘅人,先至系真正嘅善长仁翁,同嗰啲喺“上级领导”嘅“命令”之下、“排队捐款”嘅人梗系唔一样嘞。同样嘅道理,能够喺学琴之中感受到音乐嘅美、得到乐趣嘅细路,同嗰啲为咗唔使练琴、将自己手指斩咗落嚟嘅细路,梗系差天共地嘞。所以咪话,“好之者不如乐之者”囖。
  但系,计我话呢,“乐之”仍然未算系做嘢、学嘢嘅最高境界。噉咩先至系啊?唔知睇过电影《霸王别姬》嘅朋友,仲记唔记得,张国荣扮嘅程蝶衣有一句经典嘅台词,“不疯魔不成活”。喺电影里边,“不疯魔不成活”唔单止系程蝶衣做戏嘅最高境界,更加系佢做人嘅最高境界——冇错嘞,“疯魔”,先至系“乐趣”嘅最高境界。所以,孔Sir呢句说话,其实可以补多一句:“乐之者不如痴之者。”依家嘅球迷、歌迷、网迷等等,一个“迷”字,就讲出咗佢哋究竟有几痴。我哋睇金庸嘅小说,入边都写咗好多“痴”,有情痴、武痴、书痴、琴痴,个个都咁精彩。其中,“武痴”周伯通同埋“情痴”瑛姑嗰段古仔,两痴撞到正,但系又“痴”唔同“线”喔,结局就令人唏嘘不已嘞。
  不过,做嘢又好,学嘢又好,“痴”亦都系要控制嘅,唔可以一路咁“痴”落去。唔系嘅话,就会“走火入魔”嘞。比如嗰个西毒欧阳锋,都系一个“武痴”啫,点知“痴”到最尾,就“黐”咗线嘞。  (插图:老饼

  评论这张
 
阅读(122)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017