注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·15 孟之反不居功(栋笃论语·雍也第六)  

2008-01-23 00:46:27|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“孟之反不伐,奔而殿,将入门,策其马,曰:‘非敢后也,马不进也。’”

  【译文】孟之反,鲁国大夫;伐,自夸嘅意思;殿,喺战场上后退嘅时候殿后。
  孔子话:“孟之反唔会自夸。战场上,军队败退嘅时候,佢一直都喺后面殿后。就快退返入城门嘅时候,佢就催住只马跑快啲,同时就同人哋话:‘唔系我够胆殿后,系我只马跑得唔够快啫。’”

  【栋笃】羊城度度有段古,《论语》都系度度有段古嘞。嗱,孟之反呢个古仔,都系值得一讲嘎。
  《左传·哀公十一年》入边记载咗,鲁国同齐国“开片”,鲁军畀齐军打到大败而逃。喺撤退嘅过程之中,大夫孟之反好英勇噉一直留喺后边殿后,拖住齐军嘅攻击,九死一生。但系,就快退返入鲁国城门嘅时候,孟之反就用条马鞭猛抽自己只马,催佢行快啲,唔畀啲士兵睇出自己系有意殿后。佢仲同啲士兵讲:“唔系我够胆殿后,系只衰马跑得慢咋!”
  孔Sir点解要讲孟之反呢个古仔呢?Keep it low profile!做人要低调啊  大笑 儒家讲中庸之道,强调做人要谦虚,唔可以居功自傲。点做呢?孟生嘅精彩表演,就系一个好生动嘅例子嘞。
  点解我话佢系“表演”,唔系“表现”呢?系啰,我读多几次,始终都系觉得,孟生呢单嘢,“表演”嘅成分多咗啲。你谂下,喺军队败逃嘅时候英勇断后,噉轰轰烈烈嘅事迹,军队中可能唔知咩?既然大家都知,仲要喺入城嘅时候故作谦虚,有噉嘅必要咩?
  再谂深一层,其实孟生噉做,唔理佢主观系为咗乜,客观上都系好有着数嘎:净系殿后,只系得咗军功;“谦虚”几句,就多咗“不伐”嘅口碑——无论佢点讲都好,大家都系睇到佢殿后嘎嘛。历史上,喺战败嘅时候勇于殿后嘅人其实好多,但系,事后做出咗“不居功”表面嘅,就好少好少嘞。所以,孟生就因为噉,“青史留名”嘞,你话系咪好着数啊?
  仲有啊,噉样做,仲合乎道家嘅“无为哲学”添。老子一早讲咗嘞:“不自见,故明;不自是,故彰;不自伐,故有功;不自矜,故长。夫唯不争,故天下莫能与之争。”犀利啊 真棒 
  今时今日,好似孟生咁“不伐”嘅人,仲系有唔少嘎,佢哋仲学足阿孟生“拍马”添。比如,喺出色完成咗公司嘅一项任务之后,公开表示:“其实唔系我有几叻,主要系老细领导有方啫。”

  评论这张
 
阅读(229)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017