注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·12 力不足者中道而废(栋笃论语·雍也第六)  

2008-01-15 21:19:27|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文冉求曰:“非不说子之道,力不足也。”子曰:“力不足者中道而废,今女画。”

  【译文】说,通“悦”,喜欢嘅意思;女,汝,即系“你”;画,划定范围噉解。
  冉求话:“唔系我唔中意先生你嘅学说,确实系因为我嘅能力嘛嘛哋。”孔子话:“能力嘛嘛哋嘅人,行到半路先至停低。依家你系自己同自己设定咗界限,一开始就停步唔向前。”

  【栋笃】依家潮流兴充电,我单位个女同事,据我所知,旧年开始,喺繁忙紧张嘅工作之余,仲信心爆棚,前前后后报名参加咗三个学习班:古筝、游水同埋学车。一年过去嘞,我哋问佢学成点,最后总结佢嘅学习成果,就畀咗佢一个“三揸”嘅名。咩系“三揸”?学古筝,到依家学识咗一首初级嘅《挤牛奶》(一揸);学游水,就揸过下几次游泳池边嘅扶手(二揸);学车,喺师傅嘅指导下,揸过一次方向盘,仲系模拟嘅(三揸)。七八千蚊抌落去,除咗“三揸”之外,一无所成。问佢点解要噉嘥钱,佢话:“你哋又唔系唔知,工作咁鬼死忙,边有时间学啊!”
  “非不说子之道,时不足也。”冇时间学习,系现代白领成日挂喺嘴边嘅理由。的而且确,忙,成为咗一切懒惰嘅理由。不过,噉讲嘅人,唔知有冇听过另一句“格言”:“时间就像乳沟,挤一挤,总会有的。”
  系学生嘅话,就唔好揾“冇时间”作为学习唔好嘅理由嘞。孔Sir嘅学生冉求,冇信心学好“子之道”,所以一早就为自己揾咗一个“力不足”嘅藉口。“唔系我唔畀心机学,系我能力有限,学极都学唔好啊!”听起身,呢个理由好似讲得通嘅,但系,孔Sir一啲都唔畀面,佢话:“真正冇能力嘅人,学到冇办法继续落去嘞,先至会放弃。而你唔系,你一早就同自己划定界限,停步不前,噉点可能畀心机去学呢?”
  一针见血啊孔Sir,表面系批评,又暗含鼓励。《淮南子·说山训》入边讲咗:“谓学不暇者,虽暇亦不能学。”话冇时间学习嘅人,有咗时间,佢亦都系学唔好嘎。同样嘅道理,“谓力不足者,虽足亦不能学”。话冇能力学习嘅人,就算有咗能力,佢亦都系学唔好嘎。
  新学期开始嘞,我哋就用孔Sir呢一句说话,同大家共勉。记住:有信心唔一定学得好,但冇信心就一定学唔好。  (插图:老饼

  评论这张
 
阅读(339)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017