注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·10 伯牛有疾(栋笃论语·雍也第六)  

2008-01-14 21:13:27|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文伯牛有疾,子问之,自牗执其手,曰:“亡之,命矣乎!斯人也而有斯疾也!斯人也而有斯疾也!”

  【译文】伯牛,孔子嘅学生,姓冉,名耕,字伯牛。牗[国yǒu 粤yeo5 友],窗户。
  伯牛病咗,孔子去探佢,隔住个窗,捉住佢只手话:“冇偈嘞,噉就系命啊!噉嘅人竟然会得噉嘅病!噉嘅人竟然会得噉嘅病!”

  【栋笃】俗语有讲嘞,好心有好报。其实呢个思想来源于佛家嘅因果报应,相信“善恶到头终有报”嘅人,就会积德行善,“勿因善小而不为,勿因恶小而为之”。一旦有好心得唔到好报嘅事出现,佛家又有另一种解释嘞,就系“前世因,今世果;今世因,后世果”,即系你今世嘅祸福,系你前世善恶嘅果报;你今世嘅善恶,又会报应到下世。
  儒家冇前世今生嘅讲法,不过都系一心劝人行善嘅。撞到好心冇好报嘅事,就只好认“命”嘞。孔Sir讲过,佢“五十而知天命”,就系承认咗“谋事在人,成事在天”,虽则有少少悲观无奈,亦都算系对人力有限嘅客观认识嘞。
  孔Sir嘅学生冉伯牛,系一个有德之人。噉嘅人,估唔到亦都得咗不治之症,真系冇阴公嘞。孔Sir去探佢嘅时候,见到佢个样,个心赤到咩噉,隔住个窗,捉住佢只手,好无奈噉,讲出咗呢句认命嘅说话。
  但系学生病咗,老师去探佢,点解要隔住个窗呢?有两种解释嘎,一系伯牛得嘅系传染病,孔Sir唔方便入房去探佢;一系按照礼制,病人瞓喺北面个窗嘅下边,若果有君主嚟探佢,就要搬到南面嘅窗下边,畀君主可以“南面视之”。伯牛病咗,孔Sir要去探佢嘅时候,佢嘅屋企人就将佢搬到南面嘅窗户下边——咁大礼,直情系君主级待遇嘞。但系,孔Sir至憎嘅就系“僭越”嘅事,佢自己点会享受噉嘅礼遇呢?佢就唔敢行入去,而系企喺南面窗嘅出边,隔住个窗嚟探佢学生——噉样做,就系“面北朝君”嘅方向,噉就唔会越礼嘞。
  仲有可能嘅系,孔Sir噉考虑到两种原因——唔会畀传染,又唔会越礼。
  只不过,就唔知伯牛系点谂嘎嘞。    (插图:老饼

  评论这张
 
阅读(394)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017