注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·4、5 君子周急不继富(栋笃论语·雍也第六)  

2008-01-05 23:16:27|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子华使于齐,冉子为其母请粟。子曰:“与之釜。”请益。曰:“与之庾。”冉子与之粟五秉。子曰:“赤之适齐也,乘肥马,衣轻裘。吾闻之也,君子周急不继富。”
  原思为之宰,与之粟九百,辞。子曰:“毋!以与尔邻里乡党乎!”

  【译文】子华,孔子嘅学生,姓公西,名赤;冉子,孔子嘅学生,冉有;釜、庾、秉,都系春秋时期嘅量器名,佢哋嘅大细,依家仲有好多种唔同嘅讲法。原思,都系孔子嘅学生,原宪,字子思;宰,即系家宰,系贵族屋企嘅大总管。
  孔子派公西华出使齐国,冉有代佢嘅老母申请啲家用。孔子话:“畀一釜粟佢嘞。”冉有觉得少咗啲,就申请多啲嘞,孔子话:“畀一庾粟佢嘞。”冉有仲系觉得少,就自作主张畀咗五秉粟佢。孔子话:“阿华仔去齐国出使,坐嘅系肥马拉嘅车,着嘅系轻暖嘅冷衫。我听讲过,君子要雪中送炭,冇锦上添花。”
  原思做孔子嘅家宰,孔子畀佢九百粟嘅人工。原思唔要,孔子话:“唔得!你可以畀你乡下啲亲戚朋友啊!”

  【栋笃】两段话,喺朱熹嘅《论语集注》入边亦都系摆埋一齐讲嘎,其实我觉得噉样更加合理啲。因为都系孔子畀人工嘅事,一系畀少啲,一系畀多啲,虽然相反,其实喺儒家嘅“义理”上边,系统一嘅。
  畀少啲,即系“不继富”;畀多啲,即系“周急”。
  孔Sir做司寇(相当于鲁相)嘅时候,派佢嘅学生华仔去齐国出使。嗰阵时冇飞机冇火车,出国一次,一来一回好耐嘎。另一个学生冉有,就代阿华仔嘅老母同阿孔Sir申请啲家用。从“釜”到“庾”到“秉”,两师生好似做生意噉讨价还价。搞到最后,冉有就唔明嘞,点解阿Sir咁孤寒呢?孔Sir就同佢解释话,唔系我孤寒,华仔佢出国坐Ben屎,成身名牌,咁有米,使乜畀佢老母咁多家用啊?”噉就系“不继富”嘞。
  第个学生原宪,孔Sir聘请佢做管家,孔Sir要畀佢九百粟嘅人工,佢可能觉得多咗,就话唔要。呢个时候孔Sir讲咗嘞,你唔使咁多,可以攞畀你乡下啲亲戚朋友吖嘛!”噉就系“周急”嘞。
  周急不继富,唔单止系君子嘅事,仲系统治者嘅事。因为,做到“周急不继富”,先至可以拉近社会贫富之间嘅距离,减少社会矛盾。噉做,对富人亦都系有着数嘎。比尔盖茨系世界首富,亦都系世界第一慈善家,就系噉嘅道理嘞。掉返转头,继富不周急,就会引致社会两极分化,激化矛盾。到时,穷人条命横掂都唔值钱,“杀富济贫”嘅事,就好多人做得出嘅嘞。
  可惜,儒家思想虽然影响咗中国两千年,今日嘅社会,喺垄断利益集团嘅控制之下,周急不足,继富有余(捐助灾区嘅财物,都有人敢攞去“继富”),社会财富集中喺少数人手中,贫富两极嘅距离越嚟越远……噉嘅情况,的确系令人“不堪其忧”嘎。

  评论这张
 
阅读(248)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017