注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·3 不迁怒,不贰过(栋笃论语·雍也第六)  

2008-01-04 22:31:27|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文哀公问:“弟子孰为好学?”孔子对曰:“有颜回者好学,不迁怒,不贰过,不幸短命死矣。今也则亡,未闻好学者也。”

  【译文】鲁哀公问阿孔子话:“你嘅学生入边,边个最好学啊?”孔子答佢话:“有一个叫颜回嘅最好学,佢有咗怒气,唔会喺第啲地方乱噉发泄,亦都唔会重复犯同一个错误。不过佢好不幸,好短命就死咗。依家就冇嘞,未听讲过再有边个好学嘅。”

  【栋笃】颜回,系孔Sir最中意嘅学生。《论语》中讲到颜回嘅地方仲有好多,冚棒冷都系赞不绝口嘅说话。不过真系好不幸嘅系,佢好后生就死咗(31岁),佢死嘅时候,孔Sir喊到咩噉,佢老母死佢都未噉喊过。
  不迁怒,不贰过,到咗今时今日,都系一种值得推崇嘅个人修养嚟嘎。不过话时话,要做到噉,亦都唔系一件易事。历史上最出名嘅“迁怒”,莫过于吴三桂嘅“冲天一怒为红颜”嘞。李自成入咗北京,吴三桂驻兵山海关,本嚟已经应承咗归顺李自成。估唔到李嘅部下刘宗敏霸占咗吴三桂嘅爱妾陈圆圆,吴三桂嬲到爆,就引清兵入关,直接引致李自成嘅大顺政权冧咗,满清入主中原成三百几年。
  “不迁怒”,最难做得到嘅,不嬲都系嗰啲有权有势嘅人,因为呢啲人对上奴颜婢膝,最习惯于做“出气袋”;对下就颐指气使,最容易稳到“迁怒”嘅对象。所以,依家嘅人都知,要按照“潜规则”揾一个人办事,千祈唔好撞正佢啱啱畀领导“省”完嘅时候,唔系嘅话,你抌几多钱落去,都可能竹篮打水——一场空嘅咋。
  今时今日,虽然人际关系越嚟越紧张,人生不如意事十常八九,随时随地都有可能畀人激到你嬲到飞起,不过,“迁怒”亦都相应噉有咗唔会影响第啲人嘅渠道:大量嘅“出气宝”、“出气果”、“发泄球”等等产品嘅出现,满足咗脾气火爆、成日受气嘅人发泄嘅心理需求。如果觉得呢啲产品仲唔过瘾嘅话,仲可以使啲钱揾个真人畀你厾餐饱,一个愿打,一个愿挨,两不相欠,两全其美——谂起身,都唔知噉样究竟系社会嘅进步,定系人类嘅退化……
  讲到“不贰过”,喺呢个竞争激烈嘅社会,就更加系智商嘅底线嘞。俗语都有话啦,最傻嘅人,就系喺“同一个地方跌倒两次”嘅人。人非圣贤,孰能无过,只不过,犯咗错,要识得吸取经验,减少再犯同一个错误嘅机会。
  不过,我谂极都唔明:鲁哀公问嘅系“好学”,孔Sir讲咗颜回好学,跟住又讲佢“不迁怒,不贰过”——系,好学会令到人“不贰过”,但系,好学嘅人就唔会“迁怒”咩?

  评论这张
 
阅读(196)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017