注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·2 居敬而行简(栋笃论语·雍也第六)  

2008-01-03 23:55:29|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文仲弓问子桑伯子,子曰:“可也简。”仲弓曰:“居敬而行简,以临其民,不亦可乎?居简而行简,无乃大简乎?”子曰:“雍之言然。”

  【译文】仲弓问阿孔子话,子桑伯子系个点样嘅人。孔子话:“佢喺无为、简单生活方面仲得嘅。”仲弓话:“佢自己举止恭敬、守礼,对人民就无为而治,噉唔得咩?噉讲嘅话,若然佢自己行为随意、简单、唔守礼,施政又顺其自然嘅话,咪就太过简单嘞咩?”孔子话:“冉雍你讲得啱啊。”

  【栋笃】孔Sir师生呢段对话,有少少难以理解。话中嘅关键,点题得一个“简”字。咩系“简”?简单嚟讲,就系“简单”噉解嘞:)唔系搞笑,确实系噉嘅。本嚟,孔Sir认为,无论做乜嘢,如果唔照足礼节嚟做,就系一种粗陋、简易嘅行为。我哋依家讲嘅一个成语“繁文缛节”,含有贬义嘅意思,但系对于孔Sir嚟讲,就系应当嘅,甚至乎到咗“礼之不存,国将焉附”嘅地步。
  子桑伯子,系一个同阿孔Sir同一个时代嘅隐士。听讲有一次孔Sir去见佢,子桑伯子冇照礼节着衫戴帽、好随便噉就嚟接见孔子。孔Sir啲学生就有意见嘞,“阿Sir你点解要见噉嘅人啊?”孔Sir就话:“佢嘅本质其实仲系优秀嘎,只不过喺礼节方面差少少啫,我谂住劝佢讲究少少礼节。”孔Sir走咗之后,子桑伯子嘅徒弟亦都好唔开心噉话:“阿Sir你点解要见噉嘅人啊?”子桑伯子就话:“佢嘅本质其实仲系优秀嘎,只不过太多繁文缛节啫,我谂住劝佢减少一啲啲嘅礼节。”谂起身真系好玩嘞,呢两个“优秀”嘅人,有少少惺惺相惜,一个“居敬行敬”,一个“居简行简”,又都谂住要劝对方改变,结果肯定系边个都说服唔到边个嘞。
  冉雍嘅思想,好似有啲折衷主义。佢认为,“居敬而行简”,喺礼节方面,严以律己,宽以治国,其实系可以嘎。但系好似子桑伯子噉,“居简而行简”,就太过简单、随意嘞。孔Sir话冉雍讲得啱,肯定咗“居敬而行简”嘅态度,亦都系一种难得嘅变通。话晒佢都系同老子问过礼嘎,道家嘅思想,多多少少都影响过佢。到咗宋明理学,“孔孟之道”先至变成咗冇得变通嘅宗教性哲学啫。

  评论这张
 
阅读(274)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017