注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

6·1、6 孔子反“唯成份论”(栋笃论语·雍也第六)  

2008-01-02 19:15:29|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文6·1 子曰:“雍也可使南面。”
  6·6 子谓仲弓:“犁牛之子骍且角,虽欲勿用,山川其舍诸?”

  【译文】冉雍,字仲弓,孔子嘅学生;南面,坐北向南,《周易·说卦》入边讲:“圣人南面而听天下,向明而治。”
  骍,赤色;角,指牛角生得又靓又正;“骍且角”,系古代拣“牺牛”(祭祀用嘅牛)嘅标准。
  孔子话:“冉雍呢个人有圣人之德,可以畀佢处理政务。”
  孔子评论仲弓话:“耕牛生咗赤色嘅、牛角又周正嘅牛仔,就算人哋唔用佢做‘牺牛’,山川之神唔通都会舍弃佢咩?”

  【栋笃】论语嘅第六篇,共30章,分为两部分:前半部分孔Sir继续评价啲学生同其他人,后半部分啲内容就复杂啲,讲仁讲智,讲中庸之道,仲有孔Sir自己嘅八卦嘢。
  喺等级森严嘅春秋时期,孔Sir并唔系一个“唯成分论者”,呢一点系非常之可贵嘎。当然,呢啲可能同佢嘅出身都唔系咁高贵有关。佢收学生又好,教学生又好,睇中嘅系学生自己嘅天分同埋潜质。学生唔生性,佢闹起身,一啲都唔客气(比如批评阿宰我),学生表现叻,有咗啲成绩,佢赞起人上嚟,亦都系有嗰句讲嗰句嘎。
  冉雍(仲弓)出身贫贱,就好似耕田嘅牛生嘅牛仔噉,本来系冇咩身份地位嘅。但系冉雍读书叻噃,又“仁而不佞”,就好似赤色又角正嘅牛仔噉,就算暂时冇人起用佢,天生我材必有用,总有一日,佢实会得到重用嘎。“可使南面”,唔单止系一般嘅公务员,入国务院都冇问题嘞。
  一个阿Sir,噉样去推荐佢嘅学生,咪话当时冇人噉做,就系依家都好少嘞。我哋读多几次,亦都唔难睇出,“虽欲勿用,山川其舍诸”嘅话,表面上讲嘅系仲弓,其实亦都系孔Sir对自己嘅鼓励,同时亦都讲畀列国嘅统治者听:“嗱,你哋依家唔用我,以后冇后悔啊!”
  赞人哋,最后仲赞埋自己,孔Sir都唔系第一次嘞:)

  评论这张
 
阅读(143)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017