注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

5·28 孔子之好学(栋笃论语·公冶长第五)  

2007-12-25 20:43:29|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“十室之邑,必有忠信如丘者焉,不如丘之好学也。”

  【译文】孔子话:“十家人咁大嘅细村仔,肯定有同我一样忠信之人,不过就比唔上我咁好学嘞。”

  【栋笃】《论语》嘅“公冶长第五”呢一章,孔Sir吟吟沉沉噉评价咗廿四个人,卒之要讲到自己嘞,大家唔好瞌眼瞓,唔好睇小说,唔好倾密偈,认真啲听下嘞。
  净得十家人咁大大嘅村,肯定有同我一样忠信之人——嗱,孔Sir首先承认咗,自己系一个忠信之人。不过,忠信唔算得咩,一个冇几家人嘅村仔,都肯定有忠信嘅人。点解?因为忠信可以讲系天生嘎,系以“仁心”为本嘅天性。条村越细,啲人可能就越单纯,有忠信之德,梗系一啲都唔出奇嘞。
  忠信嘅人,可以成为一个宅心仁厚嘅君子,但系,要想做一个千古流芳嘅圣贤,就梗系唔少得另一种品性嘅。咩?孔Sir讲咗嘞,“好学”吖嘛。学啲乜?梗系四书五经六艺呢啲嘢啦。
  孔Sir唔系一个天才论者,佢不嬲都好重视后天教育对人嘅重要性。佢自己亦唔止一次噉讲过,“吾十有五而志于学”(为政第二)、“我非生而知之者”(述而第七)等等,言传身教,为学生树立一个好学嘅典范。
  阿Sir就系阿Sir,短短十几个字,客观噉评价咗自己,强调咗“好学”嘅重要性嘅同时,又暗示咗自己有先天嘅忠信加上后天嘅好学,先至有资格企喺度同大家讲嘢,做一个儒家嘅超级无敌掌门人——问你服未?
  全体起立,请大家用热烈嘅掌声,为呢位忠信又好学嘅老师鼓掌!
  加油啊孔Sir!礼崩乐坏嘅东周列国需要你,两千几年嘅皇权统治需要你,今时今日嘅“新儒家”需要你——如果你唔成功,佢哋点有儒教嘅“教产”可以卖啊?

  评论这张
 
阅读(147)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017