注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

5·24 过犹不直(栋笃论语·公冶长第五)  

2007-12-20 23:51:29|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“孰谓微生高直?或乞醯焉,乞诸其邻而与之。”

  【译文】微生高,人名,“微生”係姓;醯(国xī 粤héi1 希),即係醋。
  孔子话:“边个话阿微生高爽直啊?有人揾佢要啲醋,佢自己屋企冇,就同隔篱邻舍攞咗啲畀人哋。”

  【栋笃】微生高大家唔识佢嘞啩?噉尾生你识唔识呢?未听过?死嘞,尾生都未听过,噉你肯定唔识个“情”字係点写嘎,亦唔识个“死”字係点写嘎,更加唔识“为情而死”係咩回事嘞:(
  仲问点解?阿Sir我喺第二篇嘅第22章《人而无信》入边就讲过嘞,《庄子·盗跖》入边有尾生嘅古仔:“尾生与女子期于梁(桥)下,女子不来,水至不去,抱梁柱而死。”点啊?有印象嘞啩?唉,直情係朽木不可雕!记得啊,以后边个问你:中国第一个情圣係边位?唔好再答“周星星”啊!
  嗱,孔Sir讲嘅微生高,就係呢位情圣尾生高嘞。佢为咗爱情、为咗守信,大水里面,“抱梁柱而死”——好彩,佢死嘅地方唔係济南嘅银座商场——听真啲,我话唔係啊,唔好捉我啊!係楼主庄子嘅帖入边讲嘎!
  但係,尾生唔好彩嘅係,佢“抱梁柱而死”之前,喺日常生活中一件小小嘅事,畀孔Sir攞嚟作为佢唔够“直”嘅证据:有人问阿尾生有冇一啲醋畀佢,尾生自己冇,就同隔篱邻舍攞咗啲畀嗰个人。有人话,噉样做,唔係好事咩?冇错,解人之急,係好事嚟嘎,但係,孔Sir认为,佢噉样做,係特登要卖个人情,叫人哋感恩佢,所以,唔可以算係“直”。“是曰是,非曰非,有谓有,无谓无,曰直。”係就係,唔係就唔係,有就有,冇就冇,噉先至係直。
  嗱,噉样一件湿湿碎嘅嘢,孔Sir都攞出嚟单打一个为情而死嘅“名人”,真係够八卦嘞。唔知点解,“孰谓微生高直”呢句话,读多几次,我真係读出咗,一股浓浓嘅“醯”味:)    (插图:老饼)

  评论这张
 
阅读(120)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017