注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

5·19 子文与文子(栋笃论语·公冶长第五)  

2007-12-15 00:24:29|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子张曰:“令尹子文三仕为令尹,无喜色;三已之,无愠色。旧令尹之政,必以告新令尹。何如?”子曰:“忠矣。”曰:“仁矣乎?”曰:“未知,焉得仁?”
  “崔子弑齐君,陈文子有马十乘,弃而违之。至于他邦,则曰:‘犹吾大夫崔子也。’违之。至一邦,则又曰:‘犹吾大夫崔子也。’违之。何如?”子曰:“清矣。”曰:“仁矣乎?”曰:“未知,焉得仁?”

  【译文】子张话:“楚国嘅子文三次畀提拔做令尹,唔见佢有开心嘅面口;佢三次畀人炖冬菇,又唔见佢唔开心。每次佢畀人停职,都会将政务同新嚟嘅令尹交代清楚。你觉得点啊?”孔子话:“够晒忠嘞。”子张又问:“噉算唔算得系仁啊?”孔子话:“我唔知。点算得系仁呢?”
  子张问多个:“齐国嘅崔子杀咗齐庄公,齐国嘅大夫陈文子有四十只马嘅家财,佢抌低唔要,宁愿着草。去到一个国家,陈文子就话:‘呢度嘅掌权者就好似我哋齐国嘅崔子。’又着草。去到另一个国家,又话:‘呢度嘅掌权者就好似我哋齐国嘅崔子。’又着草。你觉得点啊?”孔子话:“系个清白嘅人。”子张又问:“算得仁咩?”孔子话:“我唔知。点算得系仁呢?”

  【栋笃】水蛇春咁长嘅一段师生对话,又评价咗两个历史人物:一系楚国嘅令尹(相国)子文,一系齐国嘅大夫陈文子。
  子文个名好怪:姓斗,名叫彀於菟,佢最出名嘅系,喺政坛上三起三落,宠辱不惊;更难得嘅系,畀人炖冬菇嘅时候,佢亦能够好细心噉将啲政务进行交接。噉嘅行为,孔Sir嘅评价系一个字:忠。
  齐国大夫陈文子因为崔子杀咗齐庄公,就抌低万贯家财着草——喺度我要八卦下,崔子点解要杀齐庄公。原来系齐庄公勾引咗阿崔子嘅老婆,崔子捉黄脚鸡,齐庄公擒墙走佬,畀箭射中大髀,跌咗落嚟,就畀崔子杀咗。然之后崔子就做咗齐国实际上嘅揸fit人。喺当时,“君要臣死,臣不得不死;君要臣妻,臣不得不献妻”,齐庄公系做得唔啱,但系崔子弑君,点讲都系以下犯上嘅行为。当时嘅大夫陈文子冇眼睇,唔想留喺呢个乱臣当政嘅齐国,就唔要家财着草啰。但系,陈文子去到边个国家,都觉得嗰度嘅权臣都好似崔子噉,佢唔想同佢哋同流合污,就继续着草。噉嘅行为,孔Sir畀咗一个字:清。
  子张问呢两个人,可能喺佢心目中,呢两个就系仁人嘞。但系佢仲未领悟到,孔Sir心目中嘅“仁”,系人嘅内心最基本嘅嘢,又系做人最高嘅精神境界(天理)。外在嘅行为,比如忠、清、义、礼、智、信等等,有可能系由“仁”出发嘅行为,亦有可能为咗满足某种“人欲”而做出嘅。所以,唔可以见到一个人有以上行为,就以为佢系一个仁人。调返转头话,做咗坏事嘅人,肯定唔系仁人;但做咗好事嘅人,亦唔一定就系仁人。后嚟,历史亦都证明咗,子文表面宠辱不惊,但其实佢系有“僭王”嘅野心嘎;而文子着草几年,仲系返番齐国,同崔子同朝理事。所以,成部《论语》,孔Sir只系讲过,边啲唔系仁人,就未讲过边个系仁人,佢经常讲嘅系“吾未见好仁者”、“不知其仁矣”等等。
  最后,我哋可以发挥下。“雷锋出差,好事做足一火车,何如?”子曰:“善矣。”曰:“仁矣乎?”曰:“未知,焉得仁?”

  评论这张
 
阅读(196)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017