注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

5·16、17 君子之道  

2007-12-12 20:51:29|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子谓子产:“有君子之道四焉:其行己也恭,其事上也敬,其养民也惠,其使民也义。”
  子曰:“晏平仲善与人交,久而敬之。”

  【译文】孔子评价子产话:“佢有四种君子之道:一系自己嘅行为够谦恭;二系对国君够尊敬;三系佢教养老百姓有足够嘅恩惠;四系佢役使老百姓合情义。”
  孔子话:“晏平仲呢个人好识得同人哋打交道,时间越长,人哋越尊敬佢。”

  【栋笃】孔Sir两句说话,赞咗两个人。呢两位,都系春秋时期比较杰出嘅政治家同埋外交家。子产,个名系公孙侨,“子产”系佢嘅字。佢系郑国嘅相国,执政廿二年,令到郑国喺晋、楚两个大国嘅包围之中仲可以得到尊敬同埋安全——喺弱肉强食嘅春秋时期,噉都算系一种奇迹嘞。孔Sir赞佢,并唔系因为佢嘅外交才能,而系因为佢自身嘅道德修养。一般做相国嘅,一人之下,万人之上,能够做到行为谦恭,本来已经系好难得。春秋时候,好多掌权嘅大臣喐下就篡位夺权,子产本嚟系国君之后,反而能够“事上也敬”,就更加难得嘞。讲到对老百姓呢样嘢,就系连我哋现代人都要羡慕嘎。不过,讲返转头,好似子产噉嘅“君子贤相”,中国历史上仲系有几个嘎,问题嘅关键系,佢辅助嘅君主,系明君,定系昏君、暴君。如果佢面对嘅系一个暴君,任佢点样“行己也恭”都冇用,“事上也敬”,就变成咗为虎作伥。喺呢种背景下,佢能够做到嘅“养民也惠”、“使民也义”,多极都有限啦。
  孔Sir第二个赞嘅人,系更加出名嘅晏子(字平仲)。佢系齐国嘅大夫、贤相,佢嘅事迹,冚棒唥收晒喺《晏子春秋》呢本书入边,依家嘅小学语文课本,仲有《晏子使楚》呢一课,讲嘅就系晏子凭住出色嘅口才,赢得咗本嚟睇佢唔起嘅楚王嘅尊敬。俗语都有话,路遥知马力,日久见人心,晏子唔单止“善与人交”,而且做到“久而敬之”,唔怪得孔Sir要噉赞佢嘞。
    不过,搞笑嘅系,后尾孔Sir去到齐国,齐景公谂住要重用佢,晏子就喺齐景公面前笃孔Sir背脊噃,导致齐景公唔理阿孔Sir,搞到佢继续流亡。唔知,孔Sir对阿晏子仲会不会“久而敬之”呢?    (插图:老饼)

  评论这张
 
阅读(205)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017