注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

5·15 敏而好学,不耻下问(栋笃论语·公冶长第五)  

2007-12-12 00:35:29|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子贡曰:“孔文子何以谓之文也?”子曰:“敏而好学,不耻下问,是以谓之文也。”

  【译文】子贡问:“孔文子点解可以得到一个‘文’嘅谥号?”孔子话:“佢够叻,又好学;又能够不耻下问,所以就畀佢一个‘文’嘅谥号。”

  【栋笃】睇咗翻译,仲系唔知佢哋两师徒喺度噏乜,系咪?
  唔使急,我哋搞清楚,咩系“谥号”先。喺古时候,王侯将相或者社会名流死咗之后,要根据佢哋生前嘅事迹,畀佢一个称号,作为“益棺定论”——呢种做法,叫做“定谥”;嗰个称号,就叫做“谥号”嘞。比如,我哋都好熟悉嘅岳飞,点解又叫“岳武穆”呢?“武穆”就系佢嘅谥号嘞;仲有,汉武帝、汉文帝、隋炀帝等等,都系谥号嚟嘎。中国历史上,谥号最长嘅人,就系那拉氏嘞,全称系:“孝钦慈禧端佑康颐昭豫庄诚寿恭钦献崇熙配天兴圣显皇后”。一个作恶多端嘅统治者,死后得到咗几乎所有嘅美称,真系够晒讽刺嘞。不过,喺中国历史上,咁荒谬嘅事,慈禧唔系第一个,亦都唔系最后一个……
  孔文子,咩人嚟嘎?咩?孔子?“你太有才了”——梗唔系嘞,孔文子系卫国嘅大夫,姓孔,个名叫圉,“文”,就系佢嘅谥号嘞。点解阿子贡要问呢个问题呢?因为,按照谥法,“文”系好高级嘅谥号嚟嘎,“经天纬地曰文,道德博闻曰文”,孔Sir最崇拜嘅周文王,演八卦、定礼乐,死后先至谥“文”,点解一个普通嘅大夫又可以谥“文”呢?孔Sir就噉答阿子贡嘞:“孔圉佢聪明又好学,又够谦虚,有唔识嘅嘢,就同啲身份低嘅人请教,佢都唔觉得系耻辱,所以就可以谥‘文’嘞。”
  敏而好学,不耻下问。呢两个词大家听得多嘞,但系,有几个人做得到?聪明嘅人,往往以为自己好叻好巴闭,以天才自居,唔肯落功夫去学嘢。所以,如果有人能够“敏而好学”,噉就好难得嘞;有身份有地位嘅人,遇到唔识嘅问题,好多都系不懂装懂,要请教,亦都系向啲比佢哋嘅身份、地位更高嘅人请教,要做到“不耻下问”,的确系好唔容易嘅事。孔圉佢呢两点都做到嘞,谥“文”,就梗系当之无愧嘞。孔Sir不嬲都系中意啲好学、谦虚嘅人多啲嘅,所以,佢呢一番说话,亦都顺便教育咗啲学生,学习,应该有点样嘅态度。
  顺便噏多句,孔Sir死咗之后,从鲁哀公吊唁嘅时候尊称佢为“尼父”开始,从西汉到晚清,历朝历代嘅统治者不断噉为孔Sir追加咗十五个谥号,依家比较通用嘅,就系顺治封嘅“大成至圣文宣先师”嘞。
  好嘞,呢节课就讲到呢度,布置作业:背诵慈禧太后同埋孔子嘅谥号。记住嘞噃,下节课要检查嘎:)

  评论这张
 
阅读(230)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017