注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

5·13 性与天道(栋笃论语·公冶长第五)  

2007-12-09 12:06:29|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子贡曰:“夫子之文章,可得而闻也;夫子之言性与天道,不可得而闻也。”

  【译文】子贡话:“老师讲诗书礼乐、五经六艺,我哋就听得多嘞;老师讲人性同埋天道嘅嘢,我哋就听唔到嘞。”

  【栋笃】首先,孔Sir呢句说话入边,有两个容易畀人误会嘅词要先喺度讲解下嘅。呢两个词,就系“文章”同埋“性”嘞——喺度,“文章”唔系文章,而系指有关古代文献嘅学问;“性”就唔系性嘞,而系“人性”。
  有少少失望系咪?唔怕话你知,我都系:)其实,如果你同我一样,唔使考试嘅话,硬系要讲“性即是性”,噉都冇问题嘅。的而且确,喺“性”方面,孔Sir一世有冇讲过,同边个讲,点讲嘅,呢两千年嚟,国人都系“不可得而闻也”。小弟不才,我估,最有可能,都系同嗰个卫灵公嘅夫人——性感到不得了啊阿南子话。唔系嘅话,子路点解要嬲到飞起啊?呢段八卦嘢,我哋以后学到“子见南子”嘅时候再讲多次。
  孔Sir喺诗书礼乐、五经六艺上边嘅学问,学生梗系经常听到嘞,交咗学费个啵:)但系,点解学生听唔到佢讲人性同埋天道呢啲嘢呢?嗱,首先,人嘅先天本性究竟系点,其实系唔使讲嘎。孔Sir注重嘅系,喺后天点样用礼乐去约束、净化人性,带佢行上“仁义”之道。讲到“天道”,孔Sir唔讲,都好容易谂到嘞——传艺容易传道难,教导过孔Sir嘅老子话:“道可道,非常道。”道系“玄之又玄”嘅嘢,天道运行嘅规律,人类最终系点都把握唔到嘎,点讲啊?讲咗都冇用嘞,讲多错多添。啲学生将啲诗书礼乐学识晒,以后再慢慢悟道嘞。
  所以,《论语》入边仲有“子罕言利与命与仁”、“子不语怪力乱神”嘅说话,都系差唔多一个道理,我哋以后再学过啦。

  评论这张
 
阅读(154)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017