注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

5·12 强加于人(栋笃论语·公冶长第五)  

2007-12-02 01:47:29|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子贡曰:“我不欲人之加诸我也,吾亦欲无加诸人。”子曰:“赐也,非尔所及也。”

  【译文】子贡话:“我唔想人哋将啲乜乜强加畀我,亦唔想将啲乜乜强加畀人哋。”孔子就话:“阿赐啊,呢啲系你达唔到嘎。”

  【栋笃】曾子曾经讲过:“夫子之道,忠恕而已矣。”(4·15)噉究竟咩叫做“恕”呢?我哋已经讲过,恕,即系“己所不欲,勿施于人”,即系子贡讲嘅呢句说话:“我不欲人之加诸我也,吾也欲无加诸人。”如果人人都可以做到噉,噉呢个社会,就系一个“我恕人人,人人恕我”嘅和谐社会嘞。
  可惜,孔Sir一盆冷水兜头淋落嚟,将子贡同埋我哋淋醒咗,“非尔所及也”,“非尔所及也”。讲就易啫,做起身系好难嘎。点解?因为人喺呢个社会生活,梗系要受到各种行为规则嘅约束。你谂下,喺咁多嘅行为规则入边,有几多系你自己心甘情愿接受嘎?噉你可唔可以拣啲自己愿意接受嘅去接受,剩番啲唔愿意接受嘅,就唔理佢啊?梗唔得嘞。你就算系诸侯嘅霸主,有阵时你都要好唔情愿噉去朝贡周天子嘞;如果你系一个今日嘅厦门市民,市政府规定你上网要实名注册,你唔滞,噉你够唔够胆去对抗啊?系噉话,“我不欲人之加诸我也”,发下梦就有你份。
  “吾亦欲无加诸人”,得唔得啊?得,你有呢个愿望,呢个胸怀,赞下你先。但系,除非你系一个生活喺社会最底层嘅人,一啲控制其他人嘅权力都冇,唔系嘅话,人在江湖,身不由己,有啲时候,因为种种原因,你都会做出“加诸人”嘅事嚟嘎。比如话,我哋啱啱学过,“宰予昼寝”,本来系唔关孔Sir事嘎,但系,孔Sir嬲佢、闹佢,逼佢立下“永不昼寝”嘅誓言,咪就系一种“加诸人”嘅表现?孔Sir都难以做到嘅事,你居然可以做到?发梦啦你,唔惊我罚你抄《诗经三百首》一百次啊?  (插图:老饼

  评论这张
 
阅读(163)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017