注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

5·9 闻一知十(栋笃论语·公冶长第五)  

2007-11-28 20:33:31|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子谓子贡曰:“女与回也孰愈?”对曰:“赐也何敢望回?回也闻一以知十,赐也闻一以知二。”子曰:“弗如也,吾与女弗如也。”

  【译文】女,汝,你嘅意思;愈,更加,喺度系更好噉解。
  孔子问阿子贡话:“你同阿颜回边个叻啲?”子贡话:“我点敢同佢比啊!佢听讲一件事,就可以推知十件事;我听到一件事,最多只可以推知两件事。”孔子就话:“的确比唔上佢,我同你两个都比唔上佢啊。”

  【栋笃】喺度声明下先:呢章嘅最后一句“吾与女弗如也”,我知道不嬲都有两种解释嘅。另一种系将嗰个“与”字解释为“许”,即系准许嘅意思。“的确比唔上佢,我同意你比唔上佢”噉解,你哋系咪同我一样,觉得好多余?噉样解释嘅人,心情都系可以理解嘅,即系“为尊者讳”。孔Sir系儒家嘅至尊无敌掌门人,点可以承认自己比唔上一个弟子?噉佢嘅掌门之位咪就坐得好唔稳阵?
  其实呢种担心系多余嘅,亦都系好可笑嘅。作为一个老师,承认自己喺某方面不如自己嘅弟子,唔单止一啲都唔会丢架,仲会赢得人哋嘅尊重。因为,青出于蓝而胜于蓝,学生叻过老师,噉样社会先至会进步嘎嘛。如果每一代嘅学生都不如老师,噉人类文明点可能向前发展?
  而且,孔Sir喺度承认嘅,只系某一方面,佢同阿子贡一样,都比唔上颜回。边一方面?就系悟性嘞。孔Sir问阿子贡,佢同颜回边个叻啲,我谂佢主要系谂住试下子贡有冇自知之明。因为孔Sir不嬲都认为,佢嘅弟子之中,最叻就系颜回嘞。其实喺孔Sir嘅弟子之中,如果排十大高手,子贡肯定入选嘅,孔Sir亦都系好中意佢嘎,因为佢曾经喺齐国侵犯鲁国嘅时候,凭住三寸不烂之舌,挽救咗鲁国。所以,佢当时如果噉答孔Sir:“赐与回也,各有千秋。”亦都唔算系自夸。不过佢知道,如果噉讲嘅话,孔Sir肯定唔制。但系,如果话自己咩都比唔上颜回,噉就系谦虚过度变成咗虚伪嘞。所以,佢选择咗一个聪明嘅回答,就系承认,自己喺悟性方面,同颜回系冇得比嘎。
  噉讲就啱嘞。因为悟性呢家嘢,基本上系天生嘅,同好学、勤力无关。但系,承认悟性比唔上人哋,唔等于就承认学识、修养、能力各方面都比唔上人哋。子贡嘅答案,不卑不亢,正确噉评价咗自己同埋颜回,唔怪得孔Sir会中意佢嘞。孔Sir一开心,就承认自己喺悟性方面亦都比唔上颜回,呢种高姿态,狂赞颜回,又将子贡同佢自己相提并论,对子贡嚟讲,都系一种荣耀嚟嘎。
  讲到呢度,唔赞佢师徒一句都唔得嘞:“高,实在是高!”

  评论这张
 
阅读(166)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017