注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

5·7 道不行,乘桴浮于海(栋笃论语·公冶长第五)  

2007-11-25 15:13:31|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“道不行,乘桴浮于海。从我者,其由与?”子路闻之喜。子曰:“由也好勇过我,无所取材。”

  【译文】孔子话:“如果我嘅仁义之道得唔到推行,我就撑只木艇仔去海上面漂流。嗰个时候,能够同我一齐去嘅,可能剩番仲由一个人嘞。”子路(仲由)听到呢句话,开心到咩噉。孔子又话:“由仔啊,好勇斗狠,你就胜过我;讲到综合素质,你就唔掂嘞。”

  【栋笃】嗱,上次我哋讲过,孔Sir赞佢嘅学生子贱系君子嘅时候,本来谂住啲弟子会顺口赞佢教导有方,圣人门下出君子啊嘛。点知阿子贡唔醒目,仲要孔Sir赞下佢添,搞到孔Sir单打佢系一嚿嘢(瑚琏),梗未够秤做君子嘞。
  呢次,唔醒目嘅人,轮到阿子路嘞。
  子路呢个人,比阿孔Sir先至后生几岁,论年龄,系大师兄嚟嘎。佢入孔门之前,系一个好勇斗狠嘅古惑仔,孔Sir上课嘅时候,佢几次去骚扰,淋红油,收陀地。后尾,佢就畀孔Sir嘅君子之风感染咗,投入孔Sir门下,死心塌地噉跟阿孔Sir做儒家弟子,希望修成正果,亦都得到一个“君子”嘅名号。呢段古仔,直情就系唐僧同孙悟空师徒嘅儒家版嘞。不过,佢入咗孔门之后,亦都好似孙悟空噉,野性难驯,孔Sir几次遇险,佢都系喐下就喊打喊杀,冲喺最前面谂住要劈友添。以后我哋学到“子见南子”嘅时候,亦都可以睇到,佢有阵时就连孔Sir都唔畀面嘎。
  讲返呢句说话。孔Sir点解要讲“道不行,乘桴浮于海”呢?真定假啊?梗系假嘞。呢一句,肯定系孔Sir一时激气嘅话嚟嘎。佢一生行咗十几个国家,到处推销佢嘅仁义之道,几次九死一生,都从未放弃过。梗系嘞,点样壮志豪情嘅人,都会有一时嘅心灰意懒,讲一两句丧气说话,亦都系正常嘅。呢个时候,做人弟子嘅,最应该讲嘅系咩啊?梗系安慰老师嘅说话嘞。子路如果醒目啲,就唔应该“喜”,应该噉讲:“子毋忧。子之道,定大行天下矣!”畀老师一啲心理安慰,噉先至系做弟子嘅本分啊嘛。你唔单止唔识得噉讲,仲要开心到咩噉,你估阿孔Sir会点谂?噉就好似一个皇帝病咗,佢好惊死嘎,跟住你话:“弊嘞,我就要死嘞,我死梗嘞!”呢个时候,佢身边嘅太监或宫女,就应该跪低噉讲:“伟大领袖万寿无疆!高皇帝万岁万岁万万岁!”如果你懵剩剩噉,表忠心话:“陛下放心,陛下瓜咗之后,我实会为陛下殉葬嘎!”噉你就死梗嘞,佢未死,你实死先!
  不过孔Sir唔系皇帝,佢唔会咁残暴嘅。佢点嬲都好,杀人嘅嘢系唔会做嘎,最多咪就闹一句“无所取材”,益咗你嘞,下次醒目啲啊。  (插图:老饼

  评论这张
 
阅读(361)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017