注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐
GACHA精选

5·1、2 孔子选婿(栋笃论语·公冶长第五)  

2007-11-20 23:03:31|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子谓公冶长:“可妻也。虽在缧绁之中,非其罪也。”以其子妻之。
      子谓南容:“邦有道,不废;邦无道,免于刑戮。”以其兄之子妻之。

  【译文】缧[lêu4 雷]绁[xid3 泄],本来系绑人嘅绳,喺度引申为监禁。“其子”同埋“其兄之子”入边嘅“子”,唔系仔,系女,嗰个时候仔女统称“子”。
  孔子评论公冶长话:“佢系一个可以托附终身嘅人。佢依家虽然坐紧监,其实唔关佢事嘅。”就将自己个女嫁畀公冶长。
  孔子评论南容话:“国家有道,佢能够发挥才干;国家失道,佢亦都唔会遭受刑罚。”就将佢大佬嘅女嫁畀南容。

  【栋笃】《论语》嘅第五单元,就好似阶段考噉,孔Sir开始集中评价啲学生嘞。
    首先就从佢嘅女婿公冶长开始。“公冶”系复姓嚟嘎,佢虽然冇颜回、曾参呢啲人咁出名,但系佢喺孔门弟子七十二贤当中排名系第二十,都系好巴闭嘎(唔系嘅话,孔Sir亦唔会将个女嫁畀佢嘞)。史书上边关于公冶长嘅记载亦好少,佢最出名嘅一点,就系识听鸟语嘞,而佢畀人拉去坐监,听讲系因为佢得罪咗啲雀,系畀雀呃咗。
    话说公冶长有一次听到只喜鹊喺树上话:“公冶长,公冶长,南山有只死绵羊,你吃肉,我吃肠。”公冶长好开心,即刻跑去南山,果然睇到只死咗嘅羊喺嗰度。佢就将只羊拖返屋企,攞刀劏咗佢——谂唔到,呢个时候佢屋企只狗跑过嚟,将羊肠觇走食咗嘞……半个月后,公冶长又听到只喜鹊喺树上话:“公冶长,公冶长,南山有只大灰狼,你吃肉,我吃肠。”公冶长攞咗把刀,再次上咗南山——估唔到,呢次唔单止睇唔到狼,仲睇到一条人嘅尸体!公冶长惊到咩噉,拎起把刀就跑落山,点知半路就畀人捉咗,话佢凶器在手,肯定系杀人凶手,就困咗入监仓。
    呢个古仔好似童话噉,听得唔信得。公冶长坐监,畀“鸟儿”呃只系一种传说,畀人屈可能先至系真嘅。唔系嘅话,孔Sir亦唔会特登喺呢个时候将个女嫁畀佢——佢就系要用呢种高姿态,以最高奖赏嘅形式,表示一个老师对学生嘅欣赏同埋支持。噉样嘅老师,确实好难得嘅。
    不过,成件事之中,我哋就唔知公冶长同埋孔小姐系点谂嘅。只知道佢哋系冇得拣嘅。圣人门庭,以身作则,父母师长对仔女学生系有绝对权威嘅。就算孔小姐貌比“如花”,或者公冶长绝胜“八两金”,双方都唔敢话唔要嘅——够胆唔要,答辩想唔过咩?
    同样嘅道理,孔Sir主持将佢大佬嘅女嫁畀另一个学生南容(南宫括),都系冇得倾嘅。不过,听起身,南宫括比公冶长要精明啲,盛世趋利,乱世避害,噉样嘅老公安全感都多啲啦。孔Sir噉安排,后世有人擦鞋话,噉体现咗圣人阔大嘅胸怀——事实系唔系噉,我哋就唔可以乱噏廿四嘞。

  评论这张
 
阅读(136)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017