注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·26 事君之辱,朋友之疏(栋笃论语·里仁第四)  

2007-11-03 18:53:31|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子游曰:“事君数,斯辱矣;朋友数,斯疏矣。”

  【译文】数[sog3 朔],屡次噉解,喺度引申为“烦琐”;斯,就嘅意思。
  子游话:“服侍君主太过繁琐,就会自取其辱;对待朋友太过繁琐,就会畀朋友疏远咗。”

  【栋笃】子游,係阿孔Sir嘅学生,个名就叫做言偃,“子游”係佢嘅字。喺孔Sir嘅学生之中,子游係喺文学方面比较出名嘅,佢亦都做过武城宰(县令),听讲仲做得唔错添。《论语》第四单元最后一节课,就由阿子游同学发言嘞。
  “事君数,斯辱矣”,呢句话容易理解啲,因为“伴君如伴虎”吖嘛。良药苦口、忠言逆耳,从善如流嘅唐太宗,都有顶唔顺阿魏征嘅时候,何况其他嗰啲残暴嘅专制君主?作为一个有谏议权嘅宰相或者大夫,撞到噉嘅君主,你可以点啊?你敢“数”咩?自取其辱(打PP)事小,“冚家富贵”都係屡见不鲜嘞。所以,《论语集注》入边就噉讲嘞:“事君,谏不行,则当去。”嗱,我食君俸禄,你有咩唔啱,我唔讲,係我失职;我讲咗,你唔听,係你自己嘅事,我费事讲多次,“你爱谁谁”——噉样,就咩“辱”都冇。
  有人可能会“站在历史的高度”嚟批评呢种明哲保身嘅“事君”态度,孔Sir之后两千年嘅中国政治,狂赞嘅都係“死谏”嘅烈官。可惜,喺高度集权嘅统治集团内部,“死谏”,往往都係无谓嘅牺牲,唔单止改变唔到君主嘅做法,仲要导致千百无辜嘅人陪葬(诛九族)。所以,子游嘅意思,仲係认为,“事君”,係唔可以事无大细都要管嘅。“君”要夜夜揽住文工团嘅女战士跳舞,你咪就畀佢跳啰,够胆闹佢啊?因住佢“一只手指尾都捽死你”啊。
  噉朋友呢?最好嘅朋友之间,唔係要“亲密无间”嘅咩?你又错咗嘞,人与人之间,话之咩关系,都係要保持一定距离嘅。物极必反,追求“无间”,往往就会变成“无间道”。因为人係需要有自己嘅空间、自己嘅秘密嘅,就係两公婆,都唔可以要求对方一定要同自己“毫无保留”嘎。有噉嘅思想嘅人,婚姻能够维持几耐,实在令人担忧。
  所以,呢句话应该加多一句:“事君数,斯辱矣;朋友数,斯疏矣;夫妇数,斯离矣。”  (插图:老饼

  评论这张
 
阅读(158)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017