注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·19-21 父母之年(栋笃论语·里仁第四)  

2007-10-15 22:58:33|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文4·19 子曰:“父母在,不远游,游必有方。”
  4·20 子曰:“三年无改于父之道,可谓孝矣。”
  4·21 子曰:“父母之年,不可不知也。一则以喜,一则以惧。”

  【译文】4·19 孔子话:“父母在世,就唔好去太远嘅地方嘞。实在唔去唔得嘅话,亦要畀父母知道你去咗边度。”
  4·21 孔子话:“父母亲嘅年纪,唔可以唔知道嘎。一方面,你应该为父母嘅长寿感到高兴;另一方面,你亦要为父母年纪老咗感到害怕。”

  【栋笃】真係拍戏都冇咁巧嘞,我哋按顺序学习到呢几句论语,讲嘅都係点样孝顺父母嘅——而后日,就係父亲节嘞。喺度,我就同天下嘅老窦敬个礼先,同时讲声“辛苦晒嘞各位老窦”,祝你哋家庭和睦、仔女孝顺、福寿与天齐嘞,咔咔 微笑 
  寻日我哋讲过嘞,孝顺,係几时都要讲嘎;但係,“愚孝”就唔得嘞。因为“愚孝”其实都係对父母唔负责任嘅表现嚟嘎。今日呢三句,我哋一於采取“取其精华、去其糟粕”嘅态度嚟学习……咩?以前学过嘅?哇,真係叻仔嚟嘎,噉都呃你唔到啵:)冇错嘞,“三年无改于父之道,可谓孝矣”呢一句,孔Sir喺“学而第一”嘅第11入边就讲过嘞,今次係重复咗,就当係复习嘞,唔加收课时费咪得啰 微笑 
  咩?第一句都唔使讲?因为今时今日话噉样嘅孝道亦都係唔得嘅?係,你讲嘅亦都有道理,但係你咪唔记得,孔Sir讲呢句说话嘅时候,係两千年前啵。嗰阵时,“手机、呼机、商务通,一个都没有”,交通唔发达,几百里路,有时要行成个月至到。仔女一出门,就音讯渺茫,生死未卜,做人父母嘅,肯定牵肠挂肚,愁到头发都白埋嘎啦。将心比心,做人仔女嘅,就尽量唔好出远门嘞,费事父母为咗你食唔落瞓唔着。实在非去不可,就要同父母讲清楚,你去咗边度,嗰度係一个点样嘅地方,你去嗰度做乜,几日先到,几时返嚟……噉样,父母先至会少啲牵挂嘎嘛。噉样,就係“孝道”嘅一种具体表现嘞。当然,到咗今时今日,噉样嘅“孝道”梗係行唔通嘞。有钱嘅父母,一早就将仔女送出国,越远越好。随住城市化嘅发展,不远千里入城打工嘅年青人数以亿计,留喺父母身边,就畀人睇成係“无能”嘅表现。而“空巢老人”嘅人数,就越嚟越多。喺噉样嘅时代背景之下,“父母在,不远游”的确就变咗一句废话。但係,话之你距离父母远定系近啊,少啲令父母担心牵挂,呢种孝心,永远都唔会过时嘎。几年前,一首《常回家看看》唱响全国,亦都係对呢种孝心嘅呼唤。
  “父母之年,不可不知也。”呢句,就係最容易做到、亦都最多人忽略嘅孝道嘞。唔少人就算係记住父母嘅生日,亦都记唔住父母嘅年纪。点解要记住,孔Sir已经讲咗嘞,“一则以喜,一则以惧”吖嘛——咩?你问我老窦高寿?嗱,上课精神要集中,唔可以谂啲同学习无关嘅嘢嘞!咩?你话我冇以身作则?唔通你真係以为我唔记得我老窦嘅年纪咩?咪住,你企喺度,等阵先——
  “喂,老窦啊,父亲节快乐啊……哇,唔使咁激动啊!因住血压高啊……唔好意思啊老窦,你、你今年几多岁啊……”
  嗱,就噉嘞叻仔,就算你同我一样不孝,依家拎部手机出嚟,同我一样打个电话祝老窦节日快乐,顺便问下佢,以后记实咪得嘞!相信你老窦会同我老窦一样,唔会同你计较,仲会开心到喊嘎!  (插图:老饼)

  评论这张
 
阅读(196)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017