注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·18 事父母几谏(栋笃论语·里仁第四)  

2007-09-27 01:33:33|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文】子曰:“事父母几谏,见志不从,又敬不违,劳而不怨。”

  【译文】几,轻微嘅意思;劳,忧愁、担心噉解。
  孔子话:“做人仔女嘅,侍奉父母嘅时候,如果父母有咩过错,要细细声温柔噉去劝解;见到父母唔肯接受你嘅意见,亦都要照常尊敬佢哋,唔可以违抗。可以担心父母嘅过错,但係唔可以有怨恨。”

  【栋笃】听到呢句说话嘅时候,肯定就有人会话:“有冇搞错啊大佬?噉样服侍父母,边个顶得顺啊?”冇搞错,孔Sir就係噉样要求佢啲学生嘅。呢两千年嚟,传统儒家,亦都係噉样要求国人嘅。发展到后来,甚至乎有“天下无不是之父母”嘅讲法——既然“无不是”,父母点做都係啱嘅,噉就连“谏”都唔使嘞,悭番啲口水添。
  孔Sir冇咁变态,佢亦都承认,父母,係人嚟嘎,係人就会做错嘢嘅嘞,噉先至要“谏”吖嘛。之不过,重要嘅係“谏”嘅态度,即係话,要和风细雨噉去“轻谏”。父母如果听都唔听,噉亦要尊敬佢哋,唔可以同佢哋驳嘴。睇到父母有错唔改,你可以担心,但唔可以有怨恨。
    点解要噉做?好简单,孝悌係为仁之本啊嘛;有冇人係噉做嘅?有,喺《廿四孝图》入边。但係,相信有现代意识嘅人,冇几个会认同噉样“孝”法。做唔做得到係一个问题,使唔使噉做,又係另一个问题。孔Sir不嬲都係要“推孝及忠”嘅,将呢句说话入边嘅“父母”换成“君王”,都一样係孔Sir嘅思想,先至可能係孔Sir讲呢句话嘅真正目的嚟。但係,呢种“忠”,叫“愚忠”,係极权时代嘅产物;呢种“孝”,叫“愚孝”,係封建社会嘅怪胎。历史上,“愚忠”嘅代表,就係岳飞嘞。佢本来可以直捣黄龙,收复失地,就因为愚忠,畀宋高宗十二道金牌追返,卒之畀宋高宗杀咗。“愚忠”嘅结果,唔单止引嚟杀身之祸,对于佢所“忠”嘅朝廷,亦都係唔负责任嘅表现。同样嘅道理,“愚孝”嘅人,对父母,亦都唔係真正嘅“孝”。父母行差踏错,你即刻闹佢,肯定係唔啱。但係,一定要据理力争,以理尽孝,唔可以听之任之,“又敬不违”,噉样,父母继续错落去,会有咩结果,係人都谂得到。
    不过,我哋唔使担心,现代社会,噉样“愚孝”嘅事係唔会有嘞。计划生育时代,仔女先至係“皇帝仔”,我哋睇到更多嘅係“养子女几谏,见志不从,又宠不违,劳而不怨”嘅父母,从“愚孝”到“愚宠”,历史,从一个极端走向另一个极端。  (插图:老饼)

  评论这张
 
阅读(342)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017